Video
Read full review
2023-09-09
7082 views
之前已食過留家廚房嘅晚飯，覺得真係好驚艷，所以今次適逢母親節，決定帶埋老人家一齊嚟試吓佢哋嘅早茶。⠀⠀留家廚房以前係可以經OpenRice book位嘅，上次食晚餐嘅時候係星期六，足足早咗個幾月book先book到位，所以其實留家廚房真係一枱難求。自從取消咗OpenRice book位，而家就得返打電話book枱。⠀留家廚房嘅早茶，絕對唔比晚市遜色，上次試唔到留家嘅叉燒，諗住今次點都有機會試吓啦，但原來叉燒只有晚市先供應😭😭換言之又要下次再嚟啦，不過留家又真係好值得encore嘅🥰⠀⠀飲茶嚟講呢度嘅點心係可以逐件逐件嗌嘅，兩個人可以嗌兩件，四個人嘅都可以嗌四件，係幾貼心嘅服務，同其他比較高級嘅中菜廳飲茶嘅體驗相似。⠀⠀留家煙燻雞（半隻）$218⠀蟹肉灌湯餃（一隻）$52⠀蜂巢芋角（兩件）$30⠀筍尖鮮蝦餃 （一籠四件）$52⠀蜜汁叉燒包 （兩件）$30⠀懷舊蝦多士 （兩件）$36⠀山竹牛肉球 （兩件）$24⠀糖絲脆麻花 $36⠀懷舊芝麻卷 $30⠀⠀留家煙燻雞之前同朋友食過，覺得非常驚艷，咁啱中午冇得試佢嘅叉燒，所以決定encore比屋企人都試吓佢哋嘅招牌菜。第二次食，同樣係咁驚艷。
⠀
留家廚房以前係可以經OpenRice book位嘅，上次食晚餐嘅時候係星期六，足足早咗個幾月book先book到位，所以其實留家廚房真係一枱難求。自從取消咗OpenRice book位，而家就得返打電話book枱。
⠀
留家廚房嘅早茶，絕對唔比晚市遜色，上次試唔到留家嘅叉燒，諗住今次點都有機會試吓啦，但原來叉燒只有晚市先供應😭😭換言之又要下次再嚟啦，不過留家又真係好值得encore嘅🥰⠀
⠀
飲茶嚟講呢度嘅點心係可以逐件逐件嗌嘅，兩個人可以嗌兩件，四個人嘅都可以嗌四件，係幾貼心嘅服務，同其他比較高級嘅中菜廳飲茶嘅體驗相似。⠀
⠀
留家煙燻雞（半隻）$218⠀
蟹肉灌湯餃（一隻）$52⠀
蜂巢芋角（兩件）$30⠀
筍尖鮮蝦餃 （一籠四件）$52⠀
蜜汁叉燒包 （兩件）$30⠀
懷舊蝦多士 （兩件）$36⠀
山竹牛肉球 （兩件）$24⠀
糖絲脆麻花 $36⠀
懷舊芝麻卷 $30⠀
⠀
留家煙燻雞之前同朋友食過，覺得非常驚艷，咁啱中午冇得試佢嘅叉燒，所以決定encore比屋企人都試吓佢哋嘅招牌菜。第二次食，同樣係咁驚艷。佢哋係用100日嘅雞，用滷汁浸熟，再加入乾玫瑰花蕾、甘蔗同片糖煙燻而成，因此食落比起平時嘅豉油雞香好多，煙燻味撲鼻而來，但又唔會蓋過咗雞嘅鮮味。雞肉非常入味，口感嫩滑，就連雞胸都好好食，而且成隻雞冇過肥或者過瘦，食落啱啱好，完全保持到上次嚟食嘅風味。值得一提嘅係，呢份煙燻雞除咗有雞肉，仲有雞腎同雞潤。呢個招牌菜真係值得encore再encore！⠀
⠀
點心整體嚟講都係好令人滿意。留家嘅點心行平實路線，同其他攞過米芝蓮嘅中菜廳相比，絕對唔算係超級精緻花巧，但即使係行平實路線，仍然無阻留家廚房發揮佢嘅高水準。蜂巢芋角、糖絲脆麻花同埋懷舊芝麻卷都超出色，其他太部分都好食，唯獨係山竹牛肉球蒸得太耐，腐皮有啲乾，扣咗少少分。總括嚟講，家母話「非常之滿意」🥰
Post
