榮發風味美食餐廳

Open Now

Now Closed

觀塘 呢個屋苑嘅商場其實好細，除左3間粉麵小食外，仲有兩間茶餐廳，榮發係其中一間，地方算幾大，除左兩邊卡座外，中間亦有幾張大圓枱，逢星期六、日 假期都有好多一家大細幫襯晚飯，等位亦是常識吧！呢度晚飯小菜種類選擇多，冬天更有打邊爐，可惜本人覺得水準唔多穩定，試過兩次d餸就鬼咁咸，所以晚市都好小再幫襯😝今日貪佢就腳，食完出門口就有小巴落觀塘，就入去叫左份歐陸早晨全餐🤣豬扒醃得幾好味嘅，煎得都幾香口，又易咬開，冇嘜雪味，可惜個汁杰撻撻咁😖隻煎蛋應該預先煎定，凍嘅，死實實咁😤好彩d沙律🥗就正常d，仲有塊多士雖然燶左小小，但係就好鬆脆嘅。總括黎講，屋村歐陸早餐連杯凍飲三十幾蚊算收貨啦🤣