瑞榮餐室

Open Now

Now Closed

好耐都未去過屋邨茶餐廳食午餐，撞啱經過瑞榮冰室，喺門口見到餐廳都幾光猛，裝修都幾好，加上餐廳都座無虛席，所以就決定去依家餐廳食午餐。等咗10分鐘有位，望到餐牌發現有個飯係好耐好耐都未食過嘅，就係椒鹽豬扒飯，見到椒鹽豬扒覺得好吸引，所以即刻叫咗個。椒鹽豬扒飯香噴噴嘅椒鹽味，蒜頭炸到非常脆，加上辣椒嘅嘢味，令到人非常開胃，將大大件嘅豬扒切件切得大細適中，肉質鮮嫩，加上豬扒嘅骨又唔算係好多都可以叫做啖啖肉，令我諗返兒時食嘅椒鹽豬扒飯嘅味道。