韓台站 (Closed)

馬鞍山出名美食沙漠, 當耀安連一間最基本既老M都冇既時候, 呢間韓台站簡直係天賜恩物!!間野都開左年半, 質數我覺得係冇以前新開個時咁好, 但係價錢真係好抵好街坊!!!所以間唔中都會幫親下, 間野冷氣唔使錢, 勁大冷氣!!!背心短褲預左會凍!!! 話明韓台站, 佢MENU都一半韓國野一半台灣野, 唔知點解我次次都叫韓國野!!哈!!傳統紫菜飯卷拼韓式粉絲 $43紫菜飯卷簡直過好味過係韓國食!!認真!!入面有齊晒D料, 紅蘿蔔, 黃瓜, 蛋, 芝麻…大概都有7-8舊, 一定夠食!!!同韓國大媽有分別可能係小左面個麻油, 冇咁香, 但都算係咁!!隔離粉絲都好正, 凍食黎, 粉絲好爽, 唔油, 份量適中, 43蚊包野飲!! GOOD!!蜜糖芥末炸雞塊 芝士麪 $40朋友既芝士麪, 芝士麪冇咩特別, 都係韓國公仔麪!!但係個炸雞真係好味!!佢係落ORDER先炸, 所以一定勁熱!!雞肉滑, 粉唔多, 又多舊!!!可以揀蜜糖芥末味或者芝士甜辣味, 我地又係叫左蜜糖芥末味, 因為好好味呀!!!其實呢兩個餐基本上係我地2個次次都叫, 好少試其他野!!因為真係好吸引好味, 值得ENCORE!!!或者有機會