梨滿園韓國料理 (Closed)

每次我同M佬諗唔到去邊，就會喺港鐵地圖Random指一個比較少去嘅地鐵站去發掘一下，今次就揀咗樂富，嗰商場有都幾多嘢行喎，行到咁上下就要醫下肚，喺梨滿園韓國料理門口聞到好香韓國燒肉味，就入去試吓啦！韓式小碟食韓國菜當然係有韓式小碟，呢到仲有六款咁多，包括：泡菜、南瓜、大豆芽菜、菠菜、豆角同酸蘿蔔。我就最鍾意大豆芽菜，清新爽口，有淡淡嘅麻油味！無骨雞脾肉雞脾肉肉質鮮嫩，啖啖肉！秘制餣料提升雞肉味道，而且醃得好入味，燒完更加惹味，肉嫩多汁，點埋麵豉同包生菜，正！五花腩五花腩色澤吸引，脂肪同豬肉分明，比例啱啱好！燒到少少焦就啱啱好，點埋鹽吊返五花腩嘅鮮味，無得彈！秘制牛肉牛肉同樣醃得好入味，輕輕燒完，包埋生菜食，無咁熱氣！高麗人參雞湯我想飲返個人參雞湯，補下佢！點知咁岩比我地見到有個特價晚餐，有人蔘雞湯，仲附加小食、白飯、例湯，都係$68，真係好抵！個人蔘雞湯好足料，有原條人參，人參味道好濃郁。雞肉口感嫰滑，加埋香軟嘅糯米，真係好滿足！By A姐M佬 玩樂日記