茶記冰室 (Closed)

剛剛搬到石蔭， 星期六放假買電器順便落樓下搵食，上網見到呢間茶記冰室好似不錯，評分算高於是去試下，當時正值午餐時間，入到去剛剛有位，坐低左見佢地午餐都頗多選擇，有常餐，扒餐同埋客飯套餐，一時之間都吾知食乜好，唯有睇下隔離左右食乜，見到好多人食蓮藕餅同墨魚餅，咁就吾唸喇，叫左蓬藕餅豬扒飯，加支樽裝可樂， 3-5分鐘就送到，見佢賣相不錯，份量足，而且仲熱辣辣，蓮藕餅夠香口同爽口，不錯不錯，同榮式雞扒都有得fight 下，好味😋， 另外仲有塊豬扒配埋蒽油一齊撈飯， 再加多支可樂，真係幾滿足！ 另外墨魚餅，老公話都不錯，入面仲有D墨魚粒，口感幾好！ 普通茶記居然有D咁嘅出品，已經收貨，出去食野跟隔離左右叫多人食既野真係冇死錯人喇😂！ 放假吾煮飯有多左個選擇喇！