孖記廚房

Open Now

Now Closed

點解開左幾年冇人寫食評既 🤔 係味道？定服務？今日八號風球下午四點幾落波，怕左橫風橫雨，衹好在山上找野食。安泰邨有不少不同種類的餐廳，算是有-選擇，呢間「孖記廚房」空間好細，可能有五張枱，算是比較侷促，環境不算舒適。佢既下午茶價錢比較便宜，但晚餐又不算平，而且飲嘢要加 $8(冷熱同價)，算是貴。揀了兩款晚市套餐 ： 豉汁蒸䱽魚和菜芯炒牛肉，先來例湯，冇咩味，冇咩料，衹有一小舊合掌瓜，飲吾出咩湯味，太淡 😐豉汁蒸䱽魚 🐠 $66都算大條，味道新鮮，呢個餸都可推介菜芯炒牛肉 🥬 $65呢味餸頗有家庭菜味道，放了蒜茸和葱頭去炒，所以夠香，菜芯炒得夠稔，很易入口，亦入味，牛肉雖新鮮，但冇咩調味，有點失色。乾炒牛肉 🥓 $44呢款係叫外賣的，牛河炒得夠鑊氣，不過牛肉又係用個d，所以味道差少少，而且份量少，得幾片，要讚的是外賣冇收盒錢👍佢地餐單上仲有好多小菜同碟頭飯，總結係佢地廚房炒功係幾有鑊氣既，上枱都熱辣辣，所以下次都會再去試其他菜式的。