Video
Read full review
2023-11-10
1055 views
好似係間好隱世但又好出名嘅屯門拉麵店，隱世係因為佢個門面冇好大嘅招牌又唔起眼好易錯過，出名係當日去到已經有條長長人龍，排咗冇耐仲截埋午市，好彩都算排到。入到去嘅環境比我想像中舒服好坐，原來之前係做omakase不過就轉咗形做拉麵，所以啲裝修都有翻啲高級感，L形嘅吧枱設計，位同位之間都唔會好逼。每碗都用心製作，所以入座後都要等15-20分鐘先有得食。雞白湯拉麵 雞白湯用左日本雞，煲8個鐘，再打起啲泡，令佢綿滑啲。叉燒係用熊本香草雞札成。濃醬油清雞湯拉麵清雞湯再加入醬油，雞湯煲左20個鐘，無落味精 只係加咗小小鹽製成。飲落個湯係鮮甜，好小可我會飲晒啲湯，但呢碗我飲咗9成。總體嘅麵係比較硬身，麵身夾雜住啲一點點嘅麥，如果食慣淋身啲嘅麵可能要同師傅講聲。另外糖心蛋真係超級流心，師傅突登係唔切開一半原粒上，怕蛋汁會影響個湯底。一咬個心係全流，個人鐘意食啲再熟小小嘅。唐揚炸雞份唐揚炸雞都好好食，每舊都好大舊，炸完啲雞肉都係好嫩滑好juice，不過個人略嫌外皮調味有點咸。整體係間幾高質嘅拉麵店，唯一就真係預咗要好耐隊先食到，以呢個價錢黎講，我覺得cp值都算高。但當日我地係雞白湯果碗額外叫多咗份味荀，
入到去嘅環境比我想像中舒服好坐，原來之前係做omakase不過就轉咗形做拉麵，所以啲裝修都有翻啲高級感，L形嘅吧枱設計，位同位之間都唔會好逼。
每碗都用心製作，所以入座後都要等15-20分鐘先有得食。
雞白湯拉麵
$88
43 views
0 likes
0 comments
雞白湯拉麵
雞白湯用左日本雞，煲8個鐘，再打起啲泡，令佢綿滑啲。
叉燒係用熊本香草雞札成。
濃醬油雞清湯拉麵
$118
44 views
0 likes
0 comments
濃醬油清雞湯拉麵
清雞湯再加入醬油，雞湯煲左20個鐘，無落味精 只係加咗小小鹽製成。飲落個湯係鮮甜，好小可我會飲晒啲湯，但呢碗我飲咗9成。
41 views
0 likes
0 comments
總體嘅麵係比較硬身，麵身夾雜住啲一點點嘅麥，如果食慣淋身啲嘅麵可能要同師傅講聲。另外糖心蛋真係超級流心，師傅突登係唔切開一半原粒上，怕蛋汁會影響個湯底。一咬個心係全流，個人鐘意食啲再熟小小嘅。
唐揚炸雞
$48
18 views
0 likes
0 comments
唐揚炸雞
$48
10 views
0 likes
0 comments
唐揚炸雞
份唐揚炸雞都好好食，每舊都好大舊，炸完啲雞肉都係好嫩滑好juice，不過個人略嫌外皮調味有點咸。
整體係間幾高質嘅拉麵店，唯一就真係預咗要好耐隊先食到，以呢個價錢黎講，我覺得cp值都算高。
但當日我地係雞白湯果碗額外叫多咗份味荀，但應該冇加到落去，問過店員佢話已經加咗，但雞白湯果碗同冇加嘅果碗份量係一樣🥲🥲
Post
