和氣食堂

Open Now

Now Closed

秋天一個少少涼意的日子行山，係最適合㗎啦。同一班朋友行完山剩低兩個人時就近來到佢屋企附近嘅一間日式餐廳，佢話想嚟好耐但未搵到適合嘅時間同埋人，咁今日就兩個人一齊撐枱腳啦。“三文魚牛油果沙律”係首先來到嘅前菜，跟住各式各樣壽司又有泡飯陸續上嚟，呢排食得菜少，因此餐餐出來食都會嗌有葉菜，呢餐嗌嘅係'"日式炒野菜"，而今天行山，消耗量大，再來一個"櫻花蝦鯛魚泡飯”一定够補充番D能量，又够飽肚。幾樣壽司一次過上嚟睇來都好靚好有食欲，“三文魚腩壽司”啲三文魚夠肥美，啲顏色令立立睇來好新鮮；”帆立貝壽司”正常來講都唔會差，一定有信心；”蝦三味“有甜蝦，虎蝦，赤蝦，啲蝦可以包晒啲壽司飯。"櫻花蝦鯛魚泡飯"上檯好有儀式感，侍應將魚湯慢慢倒入飯中，魚湯勁鮮甜，之後又會主動加返啲湯，服務到位。食完心滿意足返歸。