Food Combo (Closed)

喺屯門新墟附近有一間開咗唔係好耐嘅西餐，今日就同朋友中午去試試佢。.食西餐我一定會叫牛扒，首先喺呢度叫咗一個Food Combo雜扒黑椒汁配南瓜薯餅定食。有餐湯、沙律、南瓜薯餅、生果同埋牛扒。其中個小食南瓜薯餅揸得好脆，主菜塊牛扒成隻碟咁大，食落去唔韌，另外配埋雞翼、煙肉蝦、同埋薯蓉，好有滿足感。.另外叫咗個香煎挪威三文魚叼草蛋黃醬配特色炸雞粒，都係有湯、沙律、生果。個炸雞好香口，主菜個挪威三文魚啖啖肉配埋佢呢個蛋黃醬簡直完美。另外佢煎得唔乾，我最怕食到啲煎魚乾爭爭要邊食邊飲水。.飲品方面佢套餐係以自助任飲形式去拎飲品。佢呢度三款飲品都唔簡單。有熱嘅先薑紅棗桂圓杞子水，凍嘅就有檸檬茶同埋薄荷鮮橙水，我就試咗佢個薄荷鮮橙水，飲落去涼兩地好Fresh。