Food Combo (Closed)

喺屯門食飯除咗去vcity及屯市之外，係新墟或V city附近都有不少餐廳，今日就比我發現左新大陸。我今日喺V city對面見到間餐廳裝修光猛，望個餐牌食物都岩食，所以就同老公去試一試。餐廳店面不算大座位不多但裝修簡約，而且喺V city一田對面非常方便。食物全是套餐，每個set都有湯、沙律、小食、主菜仲有水果添，營養非常均衡豐富。我地分別點了什扒黑椒汁配南瓜薯餅及香煎挪威三文魚习草蛋黃醬配炸雞粒。飲品係自助，有熱有凍，我地揀左紅棗薑茶，非常養生。套餐的擺盤好有無所良品的感覺，而且非常豐富。羅宋湯好味又足料，連平時唔飲湯既我都飲哂。南瓜🎃薯餅都好味，不過我最滿意既係雜扒，因為除左有牛扒之外，仲有爽口彈牙既大蝦🍤、腸、日式炸雞翼和煙肉。個餐還有大量牛油粟米和薯蓉，樣樣食物都好岩我。最讚既係佢有埋新鮮沙律和切好哂既水果，絕對係懶人之選👍🏻👍🏻煎挪威三文魚习草蛋黃醬配炸雞粒唔夠什扒好味。三文魚煎得香脆可口，但略嫌普通，习草蛋黃醬絕對有提味既作用，點左之後味道完全係另一個層次。總括來講，一個餐滿足我對食物及營養既需要，絕對係不錯的選擇。