Video
Read full review
2024-08-30
179 views
#christine開飯日記 ［屯門虹橋尋找台式味道］屯門井財街不嬲都出名多好野食，今次我就同男朋友去左搵食🤭對台灣菜情有獨鍾嘅我又點會錯過木玥巷呢。佢嘅裝修好精緻，入到去好似去左台灣啲cafe咁，有種令人放鬆嘅感覺。入面仲不斷播住好多熟悉嘅歌👍感覺都幾唔錯🌟紅燒牛肉麵（$92）食台灣野點可以唔叫紅燒牛肉麵🤭佢地嘅湯底係牛骨湯嚟，飲落都好濃郁👍👍如果想刺激啲仲可以加$6轉麻辣鴨血湯底🤭牛肉都好厚肉又大件，食落好腍☺️而且我幾鍾意佢嘅麵都幾索湯底🌟黯然銷魂安格斯滷肉飯（$92）見到佢呢個滷肉飯係必食推介一定要試吓啦🤭食落真係有驚喜。滷肉味好香，食落啖啖肉🤣男朋友好快就食晒成個飯🤭🤭🌟木玥招牌水果茶（西柚）（$32）佢呢個水果茶真係超級大杯🤭我哋就叫咗少甜個甜度就啱啱好，而且佢嘅茶底一啲都唔澀👍🌟翡翠檸檬愛玉（跟餐+$28）去到台灣，我好鍾意飲檸檬愛玉嘅🤭今次見到有就梗係要飲吓啦。我覺得佢都幾還原到台灣夜市嘅感覺，而且呢有淡淡嘅蜂蜜味👍都幾唔錯去開屯門井財街搵嘢食嘅你，記得要試吓呢一間☺️
屯門井財街不嬲都出名多好野食，今次我就同男朋友去左搵食🤭對台灣菜情有獨鍾嘅我又點會錯過木玥巷呢。
佢嘅裝修好精緻，入到去好似去左台灣啲cafe咁，有種令人放鬆嘅感覺。入面仲不斷播住好多熟悉嘅歌👍感覺都幾唔錯
🌟紅燒牛肉麵（$92）
食台灣野點可以唔叫紅燒牛肉麵🤭佢地嘅湯底係牛骨湯嚟，飲落都好濃郁👍👍如果想刺激啲仲可以加$6轉麻辣鴨血湯底🤭牛肉都好厚肉又大件，食落好腍☺️而且我幾鍾意佢嘅麵都幾索湯底
🌟黯然銷魂安格斯滷肉飯（$92）
見到佢呢個滷肉飯係必食推介一定要試吓啦🤭食落真係有驚喜。滷肉味好香，食落啖啖肉🤣男朋友好快就食晒成個飯🤭🤭
🌟木玥招牌水果茶（西柚）（$32）
佢呢個水果茶真係超級大杯🤭我哋就叫咗少甜個甜度就啱啱好，而且佢嘅茶底一啲都唔澀👍
🌟翡翠檸檬愛玉（跟餐+$28）
去到台灣，我好鍾意飲檸檬愛玉嘅🤭今次見到有就梗係要飲吓啦。我覺得佢都幾還原到台灣夜市嘅感覺，而且呢有淡淡嘅蜂蜜味👍都幾唔錯
去開屯門井財街搵嘢食嘅你，記得要試吓呢一間☺️
Post
