Video
Read full review
2024-08-17
196 views
位於屯門虹橋既一間細細小店，以精緻嘅點心而聞名。雖然位置唔算顯眼，不過一踏入店內，你會發現呢度充斥住濃厚嘅傳統氣息，每一款點心都係即叫即製，值得支持下架～.Remark: $6/位茶芥.凝香蝦餃皇 $32第一啖就可以感受到薄透嘅餃皮，包裹住飽滿鮮甜嘅蝦肉，蝦肉嘅彈牙口感加上鮮美嘅味道，仲有餃子外層嘅澄粉皮都好有嚼勁，又吾會搶走蝦肉嘅風頭.鮑魚燒賣皇 $38賣相精美之餘，更重要嘅係口感同味道都好出眾。燒賣內嘅豬肉鮮嫩多汁，而頂上嘅鮑魚更加增添咗呢道點心嘅高貴滋味.鮮蝦菜苗餃 $32同蝦餃唔同嘅係，呢款點心加入咗鮮嫩嘅菜苗，蝦肉嘅鮮味同菜苗嘅清新喺口中交織出一種平衡嘅美味。餃子皮薄而煙韌，整體口感輕盈而不失豐富感.鳳爪排骨飯 $30無疑係一道充滿家常味嘅美食。鳳爪同排骨經過長時間燉煮，肉質酥軟，醬汁入味但唔過鹹，搭配下層吸滿醬汁嘅米飯，好正.北菇滑雞飯 $30滑嫩嘅雞肉同香濃嘅北菇配合得岩岩好，米飯吸收咗北菇嘅濃郁香氣，喺味道同口感上都令我幾滿意.蒜蓉蝦春卷 $30春卷外皮炸得酥脆，內裡嘅蝦肉滑嫩，仲有一D蒜蓉嘅香氣滲透其中，啖啖都係酥脆同滑嫩嘅雙重享受.椰香炸饅頭 $22外層嘅饅頭炸得金
位於屯門虹橋既一間細細小店，以精緻嘅點心而聞名。雖然位置唔算顯眼，不過一踏入店內，你會發現呢度充斥住濃厚嘅傳統氣息，每一款點心都係即叫即製，值得支持下架～
.
Remark: $6/位茶芥
.
凝香蝦餃皇 $32
第一啖就可以感受到薄透嘅餃皮，包裹住飽滿鮮甜嘅蝦肉，蝦肉嘅彈牙口感加上鮮美嘅味道，仲有餃子外層嘅澄粉皮都好有嚼勁，又吾會搶走蝦肉嘅風頭
.
鮑魚燒賣皇 $38
賣相精美之餘，更重要嘅係口感同味道都好出眾。燒賣內嘅豬肉鮮嫩多汁，而頂上嘅鮑魚更加增添咗呢道點心嘅高貴滋味
.
鮮蝦菜苗餃 $32
同蝦餃唔同嘅係，呢款點心加入咗鮮嫩嘅菜苗，蝦肉嘅鮮味同菜苗嘅清新喺口中交織出一種平衡嘅美味。餃子皮薄而煙韌，整體口感輕盈而不失豐富感
.
鳳爪排骨飯 $30
無疑係一道充滿家常味嘅美食。鳳爪同排骨經過長時間燉煮，肉質酥軟，醬汁入味但唔過鹹，搭配下層吸滿醬汁嘅米飯，好正
.
北菇滑雞飯 $30
滑嫩嘅雞肉同香濃嘅北菇配合得岩岩好，米飯吸收咗北菇嘅濃郁香氣，喺味道同口感上都令我幾滿意
.
蒜蓉蝦春卷 $30
春卷外皮炸得酥脆，內裡嘅蝦肉滑嫩，仲有一D蒜蓉嘅香氣滲透其中，啖啖都係酥脆同滑嫩嘅雙重享受
.
椰香炸饅頭 $22
外層嘅饅頭炸得金黃酥脆，咬落去係滿滿嘅椰香同軟糯嘅內餡
.
椰皇桃膠雙皮奶 $56
呢道凍甜品令整頓餐點畫上咗完美嘅句號。椰香濃郁嘅雙皮奶口感滑順，帶有一絲椰子嘅清香，而桃膠則增添咗甜品嘅層次感，入口即化，係一款非常岩夏日品嚐嘅甜品
.
無糖可樂 $12 / 枝裝豆漿 $14
Post
