Video
Read full review
2023-08-21
112 views
今次👧🏻同媽媽👩🏻有野做，千里迢迢來到屯門！做完野就去咗👧🏻同事(屯門地膽）力推嘅秋香，食Fusion 居酒屋🏮！👧🏻👩🏻都叫咗Chill住食套餐，套餐有齊前菜沙律🥗、麵鼓湯、主食同飲品！🌟真.牛舌芯煲仔飯創新口味煲仔飯絕對係秋香嘅必點菜，其他口味e.g. 玉子蟹肉蟹膏蟹柳大混戰煲仔飯、韓式泡菜豚腩肉煲仔飯其實都好吸引，不過👧🏻就叫咗牛舌芯煲仔飯！牛舌芯切成細粒，部份非常之軟腍，另一部份就較為有咬口。配上洋蔥粒🧅、青蔥同燒汁，再撈埋生蛋黃，充滿日式風味！另外值得一提，成個煲底都充滿飯焦，好容易就起到飯焦層👍🏻。🌟青咖喱青口蟹肉手工意粉如果係重口味人士，就一定要試吓呢個青咖喱青口蟹肉意粉！青咖喱嘅辛辣+香料味道非常濃郁，啖啖都係蟹肉！青口就有3隻，入口鮮甜又大隻！至於手工意粉粗度就同上海粗麵差唔多，口感都幾得意！🌟炸雞翼跟餐可以加配小食，炸雞翼一客有6件單骨雞翼，沾滿炸粉再炸嘅雞翼份外香脆，調味非常簡單，少量胡椒味，配泰式辣醬亦十分適合！🌟海苔魷魚天婦羅魷魚天婦羅嘅炸衣厚薄適中，充滿紫菜碎，魷魚🦑都算幾厚肉又彈牙，配上蛋黃醬感覺上就唔會覺得熱氣！🌟秋香特飲//碳酸水👩🏻就+$15，叫咗秋
👧🏻👩🏻都叫咗Chill住食套餐，套餐有齊前菜沙律🥗、麵鼓湯、主食同飲品！
🌟真.牛舌芯煲仔飯
創新口味煲仔飯絕對係秋香嘅必點菜，其他口味e.g. 玉子蟹肉蟹膏蟹柳大混戰煲仔飯、韓式泡菜豚腩肉煲仔飯其實都好吸引，不過👧🏻就叫咗牛舌芯煲仔飯！牛舌芯切成細粒，部份非常之軟腍，另一部份就較為有咬口。配上洋蔥粒🧅、青蔥同燒汁，再撈埋生蛋黃，充滿日式風味！另外值得一提，成個煲底都充滿飯焦，好容易就起到飯焦層👍🏻。
🌟青咖喱青口蟹肉手工意粉
如果係重口味人士，就一定要試吓呢個青咖喱青口蟹肉意粉！青咖喱嘅辛辣+香料味道非常濃郁，啖啖都係蟹肉！青口就有3隻，入口鮮甜又大隻！至於手工意粉粗度就同上海粗麵差唔多，口感都幾得意！
🌟炸雞翼
跟餐可以加配小食，炸雞翼一客有6件單骨雞翼，沾滿炸粉再炸嘅雞翼份外香脆，調味非常簡單，少量胡椒味，配泰式辣醬亦十分適合！
🌟海苔魷魚天婦羅
魷魚天婦羅嘅炸衣厚薄適中，充滿紫菜碎，魷魚🦑都算幾厚肉又彈牙，配上蛋黃醬感覺上就唔會覺得熱氣！
🌟秋香特飲//碳酸水
👩🏻就+$15，叫咗秋香特飲- 葡萄乳酸梳打，幾清新又唔會太甜！
Post
