Video
Read full review
2021-09-08
306 views
深水埗太子一帶嘅文青店愈開愈多📚，我同朋友呢日就去咗座落於界限街嘅「山系。本舍」食晏。小店新開㗎，我上個月經過佢都仲未開。門外睇都知餐廳好細間，但點知真係只得六個座位😳，所以我哋去到都等咗陣先有位。老闆娘見天氣咁熱，拎咗把風扇比我哋吹住等，好好人。店舖面積雖小，不過裝修就好有味道。吧枱位對正廚房，但並唔會燻到個身成浸味。再者，呢度亦擺放咗魚缸同掛上粉筆畫作點綴，營造山系主題🏞。佢係一間有賣飯同麵嘅文青店，所以我哋可以喺度正正經經食餐晏🥢。午餐選擇有十幾款，價錢中等，介乎$68至$148不等，另收加一服務費。吾卵「系」叉燒飯($78)，你以為佢係黯然叉燒飯？非也非也，我認為應該叫佢做滑蛋豬腩飯先至啱。🐷豬腩肉有兩大件，每件都長長的，經微微炙燒後將啲油香迫咗出嚟，即使係肥膏位，但都無油膩嘅感覺，而且肉質細嫩，唔嚡唔韌。🍳蛋係第二主角，炒蛋好滑好多汁，可媲美蛋包飯。🍚飯用上珍珠米，粒粒分明，軟硬適中，但由於有好多餸，顯得啲飯好少。紅色一粒粒嗰啲唔知係醃薑定醃蘿蔔，但爽爽的，好啱伴飯。肉燥溏心蛋拌手打烏冬($78)，🍜烏冬未食都已經有加分位，皆因佢熱辣辣出晒煙咁送上。肉燥唔一定要配飯，原來配烏
深水埗太子一帶嘅文青店愈開愈多📚，我同朋友呢日就去咗座落於界限街嘅「山系。本舍」食晏。小店新開㗎，我上個月經過佢都仲未開。
門外睇都知餐廳好細間，但點知真係只得六個座位😳，所以我哋去到都等咗陣先有位。老闆娘見天氣咁熱，拎咗把風扇比我哋吹住等，好好人。
店舖面積雖小，不過裝修就好有味道。吧枱位對正廚房，但並唔會燻到個身成浸味。再者，呢度亦擺放咗魚缸同掛上粉筆畫作點綴，營造山系主題🏞。
佢係一間有賣飯同麵嘅文青店，所以我哋可以喺度正正經經食餐晏🥢。午餐選擇有十幾款，價錢中等，介乎$68至$148不等，另收加一服務費。
吾卵系叉燒飯
$78
9 views
0 likes
0 comments
吾卵「系」叉燒飯($78)，你以為佢係黯然叉燒飯？非也非也，我認為應該叫佢做滑蛋豬腩飯先至啱。🐷豬腩肉有兩大件，每件都長長的，經微微炙燒後將啲油香迫咗出嚟，即使係肥膏位，但都無油膩嘅感覺，而且肉質細嫩，唔嚡唔韌。🍳蛋係第二主角，炒蛋好滑好多汁，可媲美蛋包飯。🍚飯用上珍珠米，粒粒分明，軟硬適中，但由於有好多餸，顯得啲飯好少。紅色一粒粒嗰啲唔知係醃薑定醃蘿蔔，但爽爽的，好啱伴飯。
肉燥溏心蛋拌手打烏冬
$78
1 views
0 likes
0 comments
肉燥溏心蛋拌手打烏冬($78)，🍜烏冬未食都已經有加分位，皆因佢熱辣辣出晒煙咁送上。肉燥唔一定要配飯，原來配烏冬都好好食。麵條採用日本手打稻庭烏冬，麵質彈牙兼掛汁。肉燥好Juicy，鹹甜味控制得宜，混合埋紫菜絲同藏紅花一齊食，份外香口。🥚溏心蛋流心效果一流，但得半邊唔夠喉呢。飯麵或沙律嘅午餐均奉送兩款是日前菜，佢哋分別係枝豆同麻醬沙律菜🥗。
飲品方面，新張期內凡惠顧午餐即送一支價值$28嘅山系自家製特飲。呢日係樽仔奶茶，估唔到都幾好飲🤤，口感細滑，而且亦唔會過甜。
總括嚟講，依間山系小店相當唔錯👍，年輕男廚師一人包辦晒廚房所有工作，但並唔會手忙腳亂，準備充足，上菜速度快。我哋今日食嘅兩款午餐都好好味道，又有自家特色，但份量多啲會更佳🙈。有機會我想嚟試吓佢嘅晚餐，值得令人期待，但首要條件係要預先打電話嚟訂枱，哈哈。
Post
