銘興山西刀削麵 (和豐行)

Open Now

Now Closed

- 行完旺角，見到呢間新開既刀削麵店，睇落幾正，價錢唔貴，於是入去試一試。- 餐廳裝修簡潔，座位寛闊，食物選擇好多。- 今日好肚餓，所以叫左個熱拌豬頸肉刀削麵。點知個麵好大，叫小辣都好夠辣，有啲青瓜同豬頸肉，好惹味。因為係拌既，所以好有嚼勁，比湯麵既麵質硬少少。另外加上取花生、蔥、蒜頭同秘製醬汁，口感好豐富。- 麻辣牛𦟌有好多塊，性價比好高，加上生蒜蓉、脆花生同青瓜，辣得黎又好清爽。同埋牛𦟌切得夠薄，咬落好易，好好味！- 而花雕醉雞真係勁吸引，有溏心蛋同醉雞。每舊雞都啖啖肉，食到花雕酒味，但又唔會太重，相信個個都接受到。- 當然，一定要叫香口野啦！所以叫咗香茅炸雞翼同脆脆春卷。兩碟都好大碟，價錢好平，上碟岩岩炸起，夠哂熱又夠哂脆。而且同樣雞翼有分大中小辣，同樣好惹味。- 而凍飲都好大杯，勁多阿華田脆脆，跟餐好平，正價都唔算貴！