巴希雅海灣重慶燒烤

Open Now

Now Closed

一直都聽人講尼度燒烤好味、方便，又唔使用燒烤叉。所以成日都問男友，究竟幾時帶我去🤔🤔🤔等咗咁耐，終於有機會山長水遠，特登搭車入來食燒烤🍢🍢尼度環境唔錯，來到一坐低就咩都安排好，包括風扇。所以即使係酷熱天氣，都唔會覺得太焗。價錢方面，＄178一位，另加$50開爐費。所以一班朋友來燒會比較化算。價錢包括每人一罐飲品或一支水。另外仲可以去換蝦、蜆、菠蘿同香蕉。其他肉類同蔬菜都係任食。所以食材都已經穿好曬，基本上只需放上爐，燒好就食得。調味料有辣椒粉＆茴香，兩者都係川味燒烤中必不可少嘅調料。烤蔬菜時加上尼兩樣，正！尼度嘅老闆都好好人，會主動走過來話俾我哋知啲水係用來燒蔬菜，豉油幾時落等。最得意係有得燒香蕉，燒好之後拎返去counter, 會有人幫手處理，淋上朱古力。食落幾特別，幾好味。朱古力同香蕉絕對係絕配。因為係兩個人燒，食力有限，下次可以約多啲朋友一齊來。