雅景餐廳小廚

Open Now

Now Closed

用餐時間（11:56am lunch）正嘢 for more food info🐒 支持我哋發掘更多美食 😋冬菇亭買少見少，見到呢間粉嶺屹立不倒咁多年嘅冬菇亭🍄仲營運緊，即刻仆入去。天寒地凍，飲碗南瓜豬骨湯🎃🦴真係無得頂，望落就知係老火湯，成個南瓜嘅纖維煲到一絲絲咁，啖湯清清甜甜，飲完唔會仲口渴，例湯應該要係咁。嚟冬菇亭叫炒嘢🥘是常識吧。雖然前後左右都食緊咖喱牛腩飯（下次會試）今日想食佢個炒飯。鹹魚粒切得好細，而且煎香過好出味，好似煙肉碎煎香一樣。🥓🥓佢啲雞粒似係由白切雞🐔咁切出嚟，因為好多都連住雞皮同埋好大嚿。啲雞就冇乜味冇醃過。碟炒飯有一啲不知名嘅蔬菜，挑出嚟食真啲，原來係西蘭花的莖梗🥦 ，因為出過水軟焾身，食落口一啲都唔硬。啲飯成座山咁🏔️ ，而且落料唔吝嗇，每一啖都係豐富嘅口感。茶水最後飲埋杯茶☕️，中規中矩，唔算有驚喜。