The Salted Pig (Closed)

今晚約左班朋友喺尖沙咀食飯，朋友話介紹間正野俾我地試下喎餐廳位於諾士佛臺，有室內同室外位，收工黎happy hour都唔錯。聽個名都知餐廳出名食豬，連裝修都加入左好多豬既元素。食物好多元化，有德國鹹豬手又有墨西哥粟米脆片！意粉、飯、漢堡包同扒類都有齊！秘製香料脆雞翼配香草甜酸醬，雞翼好大隻，面層鋪滿香料，炸得好脆口，一咬落去仲好juicy點埋醬食可以減低油膩感。忌廉菠菜三角酥，一切開就見倒滿滿既餡料，拉絲芝士酥皮咬落好鬆脆，芝士味香濃。地中海風味串串豬配燒菠蘿、甜椒跟檸檬中東小米，估唔倒串燒係特大size!豬柳燒過後肉質都好嫩滑，小米口感好特別，食落有印度香料既味道，原來仲好有營養！伴菜要左個脆薯圈，非常香口，配上特製千兒醬最後要左個西班牙海鮮飯，又好多款海鮮而且好新鮮！飯粒煮得岩岩好，好有咬口，吸哂湯汁好飽滿。朋友叫左杯Classic Mojito，佢話好正宗，酒味唔會過重，飲落好清新。食物份量真係好大，所以一定要多人黎食！另外職員可能因為都係外藉人士，好friendly，周不時會行過黎問下食物岩唔岩食，傾下閒計