Video
Read full review
2008-12-30
24 views
星期六晚去完九展睇show之後, 就落左去九龍城諗住食餐好既~行左好耐….揀極都揀唔到…攪左好耐~最終晌泰式燒王門口停低, 因為我睇過食評話呢一個幾正宗, 而且好好味~成間舖頭既隔局都好正宗, 就好似香港既小炒店咁, 而佢就係泰式既…所以衞生方面就麻麻, 佰係個感覺就幾正宗……一坐低無睇餐牌~我朋友就即刻order左一碟生蝦刺身~睇過餐牌見到好多野都好好味~結果我地三個人叫左一set冬蔭公火鍋加配料…辣椒膏炒蜆…半打雞牛豬~生蝦刺身好快就上檯…我已經好耐無食過, 所以就急不及待咁食左一隻…好鮮味而且都幾大隻, 但係配果個汁都幾辣….但係唔點汁食又唔得喎….所以要不斷飲野~食晒碟蝦之後條脷仲有少少麻麻地添~都幾刺激……跟住辣椒膏炒蜆~非常之大隻….其實我都係因為見到隔離檯咁大隻先叫….無沙好甜…雖然係用辣椒膏去炒, 但係一0的都唔辣~仲甜甜地~我個朋友索性連0的汁都飲埋….辣椒膏同蜆真係幾夾~可以互相帶出大家既味道~我認為係必叫既菜式丫…半打雞牛豬…雞最好味…燒完都仲好嫰滑~豬同牛就差唔多~….果個沙嗲汁同其他地方唔同, 因為我多數食都係另上既, 但係佢就淋埋上0的串燒度…..平時成日都
星期六晚去完九展睇show之後, 就落左去九龍城諗住食餐好既~行左好耐….揀極都揀唔到…攪左好耐~最終晌泰式燒王門口停低, 因為我睇過食評話呢一個幾正宗, 而且好好味~
成間舖頭既隔局都好正宗, 就好似香港既小炒店咁, 而佢就係泰式既…所以衞生方面就麻麻, 佰係個感覺就幾正宗……
一坐低無睇餐牌~我朋友就即刻order左一碟生蝦刺身~睇過餐牌見到好多野都好好味~結果我地三個人叫左一set冬蔭公火鍋加配料…辣椒膏炒蜆…半打雞牛豬~
生蝦刺身好快就上檯…我已經好耐無食過, 所以就急不及待咁食左一隻…好鮮味而且都幾大隻, 但係配果個汁都幾辣….但係唔點汁食又唔得喎….所以要不斷飲野~食晒碟蝦之後條脷仲有少少麻麻地添~都幾刺激……
跟住辣椒膏炒蜆~非常之大隻….其實我都係因為見到隔離檯咁大隻先叫….無沙好甜…雖然係用辣椒膏去炒, 但係一0的都唔辣~仲甜甜地~我個朋友索性連0的汁都飲埋….辣椒膏同蜆真係幾夾~可以互相帶出大家既味道~我認為係必叫既菜式丫…
半打雞牛豬…雞最好味…燒完都仲好嫰滑~豬同牛就差唔多~….果個沙嗲汁同其他地方唔同, 因為我多數食都係另上既, 但係佢就淋埋上0的串燒度…..平時成日都食完一啖又去點0的汁既~依家就每一啖都有汁~我覺得幾好喎呢…..唔駛因為0的醬而爭崩頭~
最後主角出現啦~就係呢個冬蔭公火鍋~配料有牛, 豬, 雞, 魚蛋, 牛丸, 魷魚, 粉絲, 菜等等~我地叫既係一半清湯一半冬蔭公~冬蔭公其實唔係太辣~sheep唔係好食得辣都頂得順…配料當中既豬係最好味~佢切得幾薄~好快就熟~而且唔會好鞋…但牛就麻麻地~因為佢唔係肥牛…係扮肥牛既牛肉片….淥完會覺得有少少靭…魷魚佢地好細心咁切左格仔紋係上面~所以好快就熟~配冬蔭公湯底好好~不過唯有係佢有部分既菜…唔知係咩菜…但係淥左好耐…咬落去都係唔係太咬得開, 又食唔出佢係咩味…好奇怪…….賣相就似係通菜既朋友咯……
好努力咁食晒全部野~十個飽~每人都只不過係百三蚊~真係好抵…個環境係麻麻~而且有少少焗, 不過確實係值得一試既泰菜館咯~~
Post
