泰式東王

Open Now

Now Closed

九龍城泰國菜每間都唔會太差😋今次試呢個每台都會叫嘅泰式燒烤邊爐！碟肉超大碟😅4個女仔都得唔哂肉類選擇都多！內藏、豬牛雞、海鮮都有抵食！另外都叫左碟炭燒豬頸肉🐷超惹味，肉質爽口，大推！

之前一向都有幫襯過幾次，食物質素唔錯，由其泰燒唔係周圍都有，今日1930到舖2人總共叫左1個泰式燒烤3支啤酒1杯特飲，食物15分鐘 就上齊， 食左十分鐘都冇，個泰國女仕過黎話冇得換鐵板，快啲燒，咁唯有配合啦，用餐到尾聲，剛好食晒全部燒肉，當時係2115左右，剩返一盤蔬菜，同一位泰國女仕用不禮貌嘅態度同我講依度食飯有限時，然後打算將我啲蔬菜收咗佢，當時我並唔知道有咁嘅限制，而且舖頭亦都冇寫我即刻問佢其實有限幾耐呢？ 佢又冇直接答就走開左。旁邊嘅店員就表示唔使理佢而且同我道歉。再隔多2分鐘，佢再嚟收多一次，當時我嘅蔬菜根本就未食過，而且一直都有叫嘢飲打算繼續order,不過佢態度十分惡劣，話限時90分鐘。然後將我盤蔬菜收走咗。眼見我隔籬枱嗰班泰國人喺我未入座之前已經坐咗喺度食緊，而且仲繼續用餐。而當時舖頭亦有幾張吉枱，外面冇人等位。繼續詢問佢又支吾以對，成餐飯嘅氣氛已經俾佢破壞咗，就結帳走人。唔想做香港人生意，其實早啲講。難得有質素好嘅食物，咁嘅店員令到氣氛直接破壞。無謂貼錢買難受。

香港買少見少嘅泰式燒烤火鍋！😍泰式燒烤泰文係 หมูกระทะ muu-Kra-ta 中間食燒烤，側邊係小型火鍋今日嚟到九龍城呢間「泰式東王」有得食muu kra ta 🤤點了一個套餐，相當足料！有醃好的雞肉、豬肉、牛肉、海鮮、蔬菜、粉絲等🧡 醬汁 น้ำจิ้ม naam jim 係重點之一👍🏾另外還點了螄蚶，非常新鮮美味🤤螄蚶要剛剛熟才好吃😋！這個反而在香港吃得比較安心，始終泰國天氣較熱，海鮮感覺較容易變壞呢🙈然後點了很久沒有吃的生菜包👍🏾以一杯泰式奶茶做總結🤗

今日我嚟到九龍城呢間餐廳，攞筷子就準備大戰泰式美食囉！先點咗江國冬陰公，飲落去辣得嚟酸香四溢，湯底香郁得黎又夠kick，仲有塊肉厚實嘅魚同爽口海鮮，真係得喇！緊接嘅生蝦，鮮甜彈牙，加上個自家特製醬汁，令人一啖接一啖！🦐🌶️😋當然少不了點佢哋出名嘅泰國薄餅！入口即溶，微辣嘅咖哩汁配上軟綿綿嘅薄餅，啲味道好夠分量，我係真心推介！不過啲雞肉咬落就微微老邊，不過都算係值得，因為咖喱味夠濃！🍛🥞行過街角，見佢哋嘅串燒煙霧繚繞，怎可能唔叫呢？口感正宗，炭香味十足，配埋一大碗香噴噴泰式濕炒河粉，簡直係味蕾上嘅雙重享受，啲河粉又滑又入味，真係食到掂啦！最後，余神打烏龍，原來芒果糯米飯唔響呢度食得，不過都算，今次嘅食物已經夠我哋開心嘅！下次一定會再回味，試下其他招牌菜！ 🍽️🍺✨

吃到一半发现虫腿喊店员来看充耳不闻等了半天没人来看最后喊过来买单居然还要算全价投诉有虫子能否退这道菜价最后勉强退了一道菜的钱还埋怨我们吃了大半狮蚶一大半没开口极其劣质不卫生谁吃谁拉肚子是不是当场给食环署打电话来验证你们才老实

九龍城泰國菜聞名，隨意走進一間，相信亦不會大為失望。(1) 香茅螄蚶白灼至剛熟，保持介貝類的鮮嫩質感；汁液呈血紅，鮮味濃郁而突出。像迷你蠔肉的口感。（個人連Tabasco都覺得辣，這個屬於8.47分辣。）(2) 泰式咖喱軟殼蟹 + 薄餅人叫我又叫系列。雖然泰式咖喱耳熟能詳，但這間的咖喱顏色呈金黃，有別於一般的黃/青/紅咖喱。整體更為濃稠、綿密，薄餅亦易於沾點，而且加上蛋白令味道先辛後甜。軟殼蟹一般、偏鹹。(3) 泰式冬蔭功（海鮮/細）優勢之處在於新鮮、有選擇。除了海鮮，可以挑選蝦為主軸。（7.33分辣。）(4) 泰式鹹魚雞粒炒飯泰式炒飯主角是：洋蔥、蛋、小番茄、芥蘭菜。只嚐鹹魚而不見鹹魚肉，但味道偏向死鹹，而不是陣陣梅香。裝潢略為陳舊，通風系統不是很好。另外，眼見不少人外賣芒果沙冰，一杯便用一整個芒果調製而成。

早前同同事傾起原來佢食泰菜都咁岩黎九龍城既呢間大家分別咁食過十次八次無花無假餐廳就真係無乜裝修但就會令你覺得有一種很地道的感覺⟡.· ⎯⎯⎯⎯⎯⎯⎯⎯⎯⎯⎯⎯ ⟡.·青木瓜絲沙律木瓜比較有咬口 落左檸檬汁 酸酸味味又帶點辣易入口份量都幾大碟椒鹽田雞 每次黎既必點Item😍新鮮即炸炸食落外皮甜甜而底下的炸蒜都好好食而且好熱氣配啤酒食真係一絕～🧡雞肉生菜包忘記了叫少辣平時食得辣既人都覺得幾辣肉碎份量都頗多而生菜🥬佢可以俾我地Refill～🥰鹽燒烏頭熱辣辣辣辣即叫即燒食到烏頭原味道 不過就有Overcook 帶少少鞋但不礙我想食魚的雅興～😜💓象啤 （大支裝）食泰菜飲象啤, 是不能分離的關係吧?✍🏻人均$250

泰式燒王🌮📍 九龍城南角道19號地下⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈話說食地道泰國菜🇹🇭， 梗係要去返九龍城啦😂，貪佢夠地道😜。小編發現左呢間泰菜鋪， 雖然係冇裝修，但味道都唔錯既😎，最重點係有我最鐘意既螄蚶🤩。不過呢間鋪頭就只收現金💵，想食既朋友仔，記得帶定錢呀🤭。🌟 白灼螄蚶 $98螄蚶係香港都唔係周圍有得食☹️，有時有機會係潮州鋪又或者泰國鋪都有機會有既，重點係要碰碰運氣🙋🏻‍♀️。🌟 清炒椰菜苗$98呢個菜真係未食過😂，對於小編泥講，就覺得好特別🤣，係幾好食既🤤。🌟 泰式咖喱炒海鮮➕配印度薄餅 $198呢個炒海鮮🦞， 加埋個印度薄餅簡直一流🤩👍， 好好食， 另外薄餅係可以散叫既， 唔夠飽可以叫多份😹。🌟生蝦 同平時食開既生蝦冇咩分別😂。🌟泰式奶茶🥤🌟 珍多冰 $32整體推介指數：❤️❤️❤️❤️🤍⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈

想食泰國野第一時間一定係諗起九龍城，不過選擇太多，有時唔想諗都係求其行入一間試下，今次黎到呢間估唔到有驚喜！6點幾行過呢度見人唔算多就去試下。店內環境乾淨企理，位置唔算好多，但夠光猛，坐得都算舒服 (好似啱啱裝修完)。放工後特別肚餓，首先都係叫啲小食先😝▪️泰式炸蝦餅 ($89)熱辣辣炸出黎超香脆，啖啖蝦肉，勁好食😋▪️燒牛胸 ($98)牛既油脂味好重，好香👍🏼只係略嫌有部分韌左少少🤏🏼▪️泰式飛天通菜 ($78)有鑊氣，唔會太鹹，啱啱好。▪️泰式炒飯 ($78)正常炒飯，好有份量，雖然味道無乜特別驚喜，不過都清晒😆▪️龍眼冰 ($29)食到尾有少少口渴，飲杯龍眼冰爽一爽呢度好似出名燒牛肉，但係食食下先發覺唔記得叫🫠下次要再試!!!

雖然餐廳裝修、餐牌依舊，但其實已轉晒班底，食物已不是從前水準，特別是樓面的女主理人，態度又差，絕不是一般泰國人擁有的特質熱情有禮。希望將來有所改善！創出自己的風格！

食泰國菜梗係九龍城至多選擇，今日1行6人叫左9樣野，拼盤同串燒一定唔少得，冬蔭功、酸辣去骨鳳爪、燒魚、生蝦、炒菜、炒飯、芒果糯米飯。每樣食物都好有泰國風味，無得頂。

自從九龍城開咗地鐵站後，交通真係方便咗好多！以前去九龍城要一個鐘頭車，而家20分鐘就到真係好方便！而且九龍城係一級美食區，今次帶朋友來泰式燒皇食晚餐，食咁多年來水準如一！都係咁好食😋而且位置方便咗好多，地鐵站口一出就係每次嚟到必食嘅！螄蛤洗得好乾淨，唔會有沙，肉質新鮮彈牙，搬埋個酸辣汁，好爽口好刺激好食！生菜豬肉包豬肉加咗大量洋蔥同泰式醃料去炒，香辣得來好惹味，加埋生菜好清新，好好食！呢個咖喱炒大峴都係每次嚟到必食！佢嗰個炒咖喱汁加咗好多雞蛋落去炒，香辣得來亦都可以中和返咖喱嗰隻辣味，大峴都好新鮮好大粒，配埋個烤餅，烤餅吸收晒咖喱汁嘅精華，真係好好食😋送飯一流！好難得咁多年嘅泰菜老店依然保持水準一樣咁好！建議大家多啲嚟支持喱d小店，希望減低地鐵起咗而令到租金上升既壓力，幫助香港小店繼續經營，因為自從起咗地鐵站之後九龍城真係好多老店都宣布結業，幾廿年街坊真係好傷心💔🥲

去九龍城食晚飯，見到幾間都要等位個人又唔多鍾意等，咁岩有間唔洗等，就去食。間鋪可能開左太耐，我地坐底，就見到中間冷氣似有事，係咁滴水😅😅😅叫左幾味餸：椰汁雞湯，好大陣椰子味，好大陣酸味，但係就冇乜雞味😵😵😵😵串燒6串，雞同牛，燒得唔錯，又唔太乾身，個人幾喜愛。青咖哩牛加蒜蓉包，咖哩唔辣，呢樣我唔鍾意，不過唔食得辣既應該覺得幾好，牛肉就唔錯，幾淋，咖哩點包食都ok不過，我就係對呢間冇乜好感，可能真係中間位個冷氣問題，如果整返好，可能會再黎。但未整好，我經過都唔會再入。

我好掛住….泰國！近期地鐵開通咗之後，多咗好多人嚟九龍城覓食😋基本上唔係太差嘅泰國菜，每間出面都會有返10個8個人等今次我食呢一間泰式燒王，其實都係咁岩經過見到覺得唔錯先試一試燒牛肉真係好出色！唔會太肥亦幾重牛味，價錢$98豬肉炒河炒得夠乾身，食落去冇咩特別 $68蒜蓉包睇落去好似好靚咁，但其實聞落去冇乜香味，蒜頭亦冇乜味道….個黃咖喱就好似平時食軟殼蟹咖喱嗰種咖喱，用嚟當汁咁點蒜蓉包，係唔錯嘅地址－泰式燒王 (九龍城)九龍城南角道19號地下環境／設施－環境迫迫夾夾咁，但係冷氣夠涼，唔會太辛苦特色－燒牛肉！必食人均價格－200評分－3.5/5.0

一行四人到泰式燒王光顧晚市，牛雞豬魚嘅燒烤同海鮮都有order，講真食物質素真係好一般，有啲失望。趕客自問我哋食嘢嘅速度正常快，啲嘢嚟齊都未食完，個大媽侍應已經喺度趕客，又企喺側跟望住你，又收你d杯同碟，又畀張單叫你埋咗先，真係畀佢吹脹。。晚市出嚟食嘢，有人等位係好正常，大媽冇理由咁樣就趕客走，喺香港食嘢咁耐真係冇試過。同埋唔夠位入客，係大媽自己安排不善，有三張四人枱，都只係安排咗兩人一組嘅客人坐，張兩人枱又冇人坐。繁忙時段佢咁樣安排係佢自己嘅問題，佢安排好少少，都唔使係到做咁多小動作騷擾我哋食嘢。總之唔會再幫襯啦。