麵道 (Closed)

好耐冇食過正宗既日式拉麵，聽講呢間係幾多人推薦既，一於就黎試下啦~成間鋪用左木頭做主調，係切切實實既和風style，幾有feel~成碗麵好人性化，麵要有幾軟，湯要有幾濃，走唔走蔥或木耳，油唔油，都可以自己話事，跟返自己既喜好，每碗都與眾不同。特盛叉燒溏心蛋醬油豚骨湯拉麵 $88麵揀咗中軟，湯都要左普通濃度，同埋少油。好鍾意佢嘅 麵質，好有口感，有彈性，唔會話煮到爛曬。湯好適合我呢啲重口味人，就算揀左普通濃度，都已經濃過出面果啲多多聲，極足料，但係就算簡左少油，對我黎講，都係偏油。豚肉整得好靚，唔會煙韌難咬，仲食到淡淡既醬油味既，唔錯。成碗麵最鍾意食佢既溏心蛋，真心正到爆，帶少少鹵水味，最重要係有好靚既流心，超正！一定要試。辛口叉燒糖心蛋醬油豚骨湯拉麵 $78同上面果碗冇咩分別，係多左少少辣椒醬，其他野基本上一樣，不過佢既辣椒醬幾好食，就咁食左啖，唔係話好辣，幾香，自己幾鍾意既，不過同湯撈勻咗，個辣椒味就唔係好突出，變得冇咁特別。可以試下既，都算唔錯既日式拉麵。