Video
Read full review
2022-07-30
946 views
📌 炒得喜小菜王 - 紅磡崇潔街15號地舖🗓(29/7) 星期五 ⏰晚上7點左右 💈特式：崇潔街成條街都係食肆就係人都知，最近又開左間新舖，主打食鑊氣小炒/小菜，價錢仲幾相宜，除左餐牌上嘅小菜套餐之外，佢牆身都貼左好多時令/推介小菜，好有大排檔feel。🥩🍔🌭🌮🥗🥯🥘🍲🍝🍣🥟🍤🍱食物：今次先試試佢地d小菜套餐，套餐有包飯，但我想試多d唔同款式嘅餸，所以就無要飯，淨食餸，叫左個三寶，價值$248，講下味道先...米網拔絲咕嚕肉 - 其實...就係普通嘅咕嚕肉，個名就好似好勁咁，但都好食的，d咕嚕肉做到細細粒，仲要係啖啖肉，炸得脆，個醬都好味唔太酸，因為我本人唔係好鐘意食咁酸。蜜椒薯仔牛柳粒 - 呢個好食，中上水準，雖然d牛柳粒有一半半過熟，有少少un，d薯仔佢就有炸過，脆脆地，加埋d蜜糖味好上到，仲要有d焦糖化嘅感覺，黑椒粒又好香口，送酒一流。薑蔥霸王雞 - 呢隻雞我真係要彈一彈，個味道係ok嘅，好香薑蔥味，但敗筆係佢好油，同d雞肉好un，多油到好似水塘咁。☕️🍵🥤🧋🍺🍷🥃🍹🧉🍾🍶🥛飲品 - 飲品佢就有啤酒/汽水之類，另外本身仲有提供茶水。🍽環境：雖然係新開，但環境方面都真係未如理想
🗓(29/7) 星期五 ⏰晚上7點左右
💈特式：崇潔街成條街都係食肆就係人都知，最近又開左間新舖，主打食鑊氣小炒/小菜，價錢仲幾相宜，除左餐牌上嘅小菜套餐之外，佢牆身都貼左好多時令/推介小菜，好有大排檔feel。
🥩🍔🌭🌮🥗🥯🥘🍲🍝🍣🥟🍤🍱
食物：今次先試試佢地d小菜套餐，套餐有包飯，但我想試多d唔同款式嘅餸，所以就無要飯，淨食餸，叫左個三寶，價值$248，講下味道先...
米網拔絲咕嚕肉 - 其實...就係普通嘅咕嚕肉，個名就好似好勁咁，但都好食的，d咕嚕肉做到細細粒，仲要係啖啖肉，炸得脆，個醬都好味唔太酸，因為我本人唔係好鐘意食咁酸。
蜜椒薯仔牛柳粒 - 呢個好食，中上水準，雖然d牛柳粒有一半半過熟，有少少un，d薯仔佢就有炸過，脆脆地，加埋d蜜糖味好上到，仲要有d焦糖化嘅感覺，黑椒粒又好香口，送酒一流。
薑蔥霸王雞 - 呢隻雞我真係要彈一彈，個味道係ok嘅，好香薑蔥味，但敗筆係佢好油，同d雞肉好un，多油到好似水塘咁。
☕️🍵🥤🧋🍺🍷🥃🍹🧉🍾🍶🥛
飲品 - 飲品佢就有啤酒/汽水之類，另外本身仲有提供茶水。
🍽環境：雖然係新開，但環境方面都真係未如理想，個地下好油好跣，好似去左街市熟食市場咁，d枱又好濕，其他野就普普通通啦。
🤵🏻🤵🏻♀️🤵🏻♂️服務：員工服務態度都好，問佢野都有答得好詳細，叫佢攞額外餐具都好爽手。
💰💸價錢：3個小菜$248，除返開一個都係$80蚊左右，價錢雖然唔算平，但佢碟頭比起普通大排檔大碟，所以真算抵食。
🐲💬總結：性價比都可以，但佢唔係樣樣都咁高質，所以要試佢有咩係特別好食，另外見到隔離枱有叫海鮮，例如豉椒蟶子王/花甲蒸水蛋都幾吸引，都想下次去試下。
米網拔絲咕嚕肉
21 views
0 likes
0 comments
蜜椒薯仔牛柳粒
28 views
0 likes
0 comments
薑蔥霸王雞
26 views
0 likes
0 comments
Post
