Video
Read full review
2012-03-17
715 views
歡迎兩位久未露面從外地歸來o既同學仔, 當然要相約聚首一堂食個午餐, 暢談近況啦!!<巴依>久聞其名, 最o岩崇”羊”但又”親中”o既朋友, 哈!!難得今次一行人12大兩小…拉大隊來成隻羊都食得落啦~~…吾係住港島又或吾熟悉西環的, 要去, 交通未必叫方便, 位置較為蹺腳; 小型格局, 餐廳裝潢陳設以磚同木為主要材料, 牆上掛上大幅邊疆地圖, 四璧又掛滿一D乾果乾椒吊飾之類, 朱紅色屋頂加吊燈, 感覺親切暖烘烘的, 望住四方格小窗, 可以幻想好似電影裏面, 外邊落雪, 屋內燒起柴火, 一班人圍埋食大餐飲酒果種feel…嘻~~先前打電話黎訂座時, 小姐話要食燒羊腿同羊肉餃子的話要預訂, 因為哩D本身只做晚市的!!...來到見午市本身個餐牌亦簡簡單一頁兩面睇晒…午市o既特別賣點係”手工麵”, 哩個又相反地晚市吾做的!!...好啦好啦!!…快快手齊齊做決定…駱駝肉薄餅 ($98)…自己首次食駱駝肉, 想起駱駝個樣真係...哈!! 不過, 當然要開開眼界試下啦…肉色深, 質地較乾硬, 用大量胡蘿蔔粒同洋蔥粒齊炒, 冇話想像中有咩特別重o既肉味, 普通肉末夾薄餅咁o羅…薄餅牛肉
<巴依>久聞其名, 最o岩崇”羊”但又”親中”o既朋友, 哈!!
難得今次一行人12大兩小…拉大隊來成隻羊都食得落啦~~…
吾係住港島又或吾熟悉西環的, 要去, 交通未必叫方便, 位置較為蹺腳; 小型格局, 餐廳裝潢陳設以磚同木為主要材料, 牆上掛上大幅邊疆地圖, 四璧又掛滿一D乾果乾椒吊飾之類, 朱紅色屋頂加吊燈, 感覺親切暖烘烘的, 望住四方格小窗, 可以幻想好似電影裏面, 外邊落雪, 屋內燒起柴火, 一班人圍埋食大餐飲酒果種feel…嘻~~
先前打電話黎訂座時, 小姐話要食燒羊腿同羊肉餃子的話要預訂, 因為哩D本身只做晚市的!!...來到見午市本身個餐牌亦簡簡單一頁兩面睇晒…午市o既特別賣點係”手工麵”, 哩個又相反地晚市吾做的!!...好啦好啦!!…快快手齊齊做決定…
駱駝肉薄餅 ($98)…自己首次食駱駝肉, 想起駱駝個樣真係...哈!! 不過, 當然要開開眼界試下啦…肉色深, 質地較乾硬, 用大量胡蘿蔔粒同洋蔥粒齊炒, 冇話想像中有咩特別重o既肉味, 普通肉末夾薄餅咁o羅…
薄餅牛肉 ($68)…哩個制法食法一樣, 只係肉粒用左牛, 不過平D又好味D喎, 牛肉味突出同肉汁豐潤D…會推介哩款薄餅多D…
烤羊腿 ($368)…全隻起左都有成盤肉架…羊烤起上黎就吾似豬咁脆皮, 部份肉質比較粗, 會乾身一點…羊腿肉吾帶膻, 附有個橙紅色帶甜o既醬…食味可以!
哈薩克手抓羊 ($200)…蒸的, 肉質較肥美嫰潤, 以孜然粉同鹽調味, 不膻不膩味道佳!! 喜歡哩個多過烤羊腿呢!! 讚~~
沙灣大盆雞 ($160)…用花椒八角同大紅椒乾等香料特制醬汁炆o既薯仔雞, 夠香又入味, 另外叫一客手製白皮麵($30), 麵質夠煙韌, 澆上惹味雞肉汁, 可口味美, 另一推介之選~~
酸辣土豆絲 ($40)…家常小炒! 土豆絲夠爽口, 只小酸小辣, 亦不俗!
京蔥羊肉餃子 ($68)…一客15隻, 皮薄餡多肉汁豐, 我哩個”羊”人嫌佢羊味吾夠重添播, 嘻…
熗苞菜 ($36) 同 干煸四季豆 ($40)…這兩道小炒味道中規中矩, 用黎中和下D肉類咁啦…
那仁 ($48)…名字就好特別, 真係要問先知係乜東東, 其實即係羊肉手工麵 (白皮麵), 全餐最重羊味反而係哩個湯, 主要係羊肉粒, 胡蘿蔔粒同洋蔥粒做o既湯底, 鮮味啊~~
牛肉湯麵 ($40)…冇試到, 但同學仔話味道好~~
服務o既哥哥們亦友善勤快…幫我地反熱食物之餘, 亦不嫌我地煩, 三番四次為我地班拍團體照留念~~加分加分!!
茶芥$5/位, 全單連小計HK$1,261-
Post
