麻辣王

Open Now

Now Closed

今日接老婆收工，點知佢地成班同事話一齊叫外賣，食完先准走，我唯有join埋佢地一齊食。我哋揀咗〈麻辣王〉，其實冇得堂食，唯有我充當外賣仔買完拎返上去畀佢哋食。非常細的一間外賣小店，而且都幾家庭式嘅廚房。有乜食同價錢全部系外面燈箱度有得睇，揀好就話比姐姐聽佢會幫你執好一袋。〈手撕口水雞〉，雞肉質地都幾嫩滑，叫得口水雞就當然系重口味，不過以路邊小店嚟講，45蚊唔算平。〈麻辣黃金皮蛋〉，超級好食。皮蛋黃係流心嘅〈涼拌木耳〉就比較辣，平時米線舖食〈小辣〉既老婆唔係好食到，不過我就覺得ok。〈酸辣泡椒豬耳及酸辣泡椒雞軟骨〉，由於環保關係所以放埋一袋。呢個超級好食，酸味同埋辣味都好平衡，唔會側重一邊。而且豬耳同雞軟骨都好爽脆，食到索索聲。總括嚟講，雖然價錢唔算平，而且門面比較其貌不揚，但系食物質素嚟講喺好食！