麻辣派對 (Closed)

係Open rice 到search 川菜，最紅既一間餐廳係呢間麻辣派對。聽個名覺得好搞笑，大部份既川菜餐廳既裝潢都一定係好心式，呢間野，入到去好似落左pub 咁，燈光好暗，五顏六色咁.我同個friend 兩個人9點約左右入座，10 點半last order, 但都仲係好多好多人。 其實咁受歡迎係有原因既，因為真係好好味，又唔貴。同埋位置格調都唔錯，好多卡位。兩個share, 每人200 蚊，但係我地食剩好多野。認真講句，如果唔係好食得辣，建議唔好尼呢到食，因為佢最小辣姐係bb辣都已經好辣，食到就噴火。我地叫左個168既水煮魚煲，加左金珍菇同牛肉，個牛肉要54蚊（其實呢個唔係好抵加，加左好似都唔係好多件。仲有個涼粉，其實係肉醬涼粉皮，個粉皮冇我想像中咁爽口，一用筷子夾起身就散哂，口感唔爽滑。但呢個水煮魚煲真係不得了，個江團，姐係鯰魚好滑好新鮮，呢煲野展現左麻，姐係堆花椒食到條俐卑為止，同埋辣果鍾刺激，食到成頭汗，眼濕濕既快感都有齊，其實真係好大好大煲，所以三五成群，可能四個女仔一煲加一人一個飯就岩岩好。足料足味既既水煮魚真係唔係周圍都有。今次係非常滿意既一餐飯！呢個講到好把炮既辣椒粉，