福源川香閣

Open Now

Now Closed

近年有啲迷上酸菜魚同田雞，又想同川菜迷朋友一聚，就搵咗間近友人公司嘅川菜店。招牌老團酸菜魚-江團 $258為咗可以試多啲菜品，酸菜魚叫咗小份，但都夠兩人享用。江團魚肉彈滑，肉質豐腴。另外最多可加三款配料，每款$28。今次揀咗如意寬粉同嫩豆腐，小辣啱晒想試辣又唔太食得辣嘅人士。渝中跳水蛙 $168田雞份量比想像中多，水煮田雞無可避免食落較油，但田雞肉厚身唔鞋口，油香入味，口感嫩滑爽口。金銀小饅頭 $38鍾意香口啲嘅朋友可以詢問店家饅頭全部變油炸款，小饅頭外皮炸得薄脆，如果饅頭包體再鬆軟啲就更好。煉奶疑似額外溝咗其他配料，除咗一貫嘅甜味，仲帶有少許酸度。酒釀小丸子 $38份量比預想嘅多，丸子口感尚算煙韌，係偶有幾粒粉咗少少。酒味方面唔算濃，食米酒粒時酒味先會較明顯。