Video
Read full review
2023-02-15
688 views
今日想離開中環下午就同同事一齊去左銅鑼灣食好野, 冬天凍凍地最好食返D辣野,今次就揀左好出名既三希樓。諗住銅鑼灣D餐廳會好易揾位，上到去估唔到有咁多人，我地好好彩等左15分鐘就有預約既人客甩左底我地先可以入到去，下次黎呢度食野一定要訂位。入到去D枱都隔得算開，坐落幾寬敞，黎得三希樓當然要見辣野啦。水煮牛肉 (2星辣)個人覺得係國際標準譚仔既5小辣，入邊有牛肉，冬粉，鴨血同筍。牛肉好滑，辣油好香，冬粉索左D辣汁好香，鴨血食落好實淨，大家想食辣D就D野食浸耐少少先食啦。好欣賞個水煮牛唔會係死辣同埋唔會好油，會食到材料原本既味道。剁椒蒸魚雲 (2星辣)成碟魚雲好足料，一D都唔會腥，入邊有魚頭同魚雲，一次過滿足鐘意食滑捋捋魚雲既朋友。小籠包 (3星辣)估唔到個大佬唔係水煮牛肉，原來最辣個一個係小籠包，個人覺得係國際標準小辣。食落口充滿辣汁，肉既量都好足夠，食完有後勁，呢個好值得一叫。辣雜錦 (3星辣)入邊有魚蛋，魷魚鬚同埋牛柏葉，呢個睇落以為唔會好辣，原來呢個都係隱藏大佬，魷魚鬚同埋牛柏葉好有咬口，唔係浸到好淋，加埋D辣汁將成碟野升華左。招牌雪影叉燒包 成餐最唔辣既一碟，叉燒汁較得洽到好處，唔
諗住銅鑼灣D餐廳會好易揾位，上到去估唔到有咁多人，我地好好彩等左15分鐘就有預約既人客甩左底我地先可以入到去，下次黎呢度食野一定要訂位。
入到去D枱都隔得算開，坐落幾寬敞，黎得三希樓當然要見辣野啦。
水煮牛肉 (2星辣)
個人覺得係國際標準譚仔既5小辣，入邊有牛肉，冬粉，鴨血同筍。牛肉好滑，辣油好香，冬粉索左D辣汁好香，鴨血食落好實淨，大家想食辣D就D野食浸耐少少先食啦。好欣賞個水煮牛唔會係死辣同埋唔會好油，會食到材料原本既味道。
剁椒蒸魚雲 (2星辣)
成碟魚雲好足料，一D都唔會腥，入邊有魚頭同魚雲，一次過滿足鐘意食滑捋捋魚雲既朋友。
小籠包 (3星辣)
估唔到個大佬唔係水煮牛肉，原來最辣個一個係小籠包，個人覺得係國際標準小辣。食落口充滿辣汁，肉既量都好足夠，食完有後勁，呢個好值得一叫。
辣雜錦 (3星辣)
入邊有魚蛋，魷魚鬚同埋牛柏葉，呢個睇落以為唔會好辣，原來呢個都係隱藏大佬，魷魚鬚同埋牛柏葉好有咬口，唔係浸到好淋，加埋D辣汁將成碟野升華左。
招牌雪影叉燒包
成餐最唔辣既一碟，叉燒汁較得洽到好處，唔會太甜又唔會太鹹，最驚喜係個皮做得好脆，果然係招牌。
成餐飯食完流左好多汗，下次要帶多2包紙巾去抺汗。希望下次食下個酸菜魚。
Post
