旺萍川菜館

Open Now

Now Closed

深水埗出名夠貼地，地道嘅餐廳小店，價錢親民之餘，仲夠晒正宗！所以喺深水埗買完嘢，點都要食飽飽先返屋企，而喺寒冷嘅天氣，最正就梗係食川菜暖一暖身啦！由四川人主理嘅旺萍川菜館，餐廳光猛企理，麻川香味由入門口已經聞到，我個胃等唔切喇！涼伴魚皮頭盤選擇咗涼伴魚皮，為咗照顧大家嘅程度，辣度可以自由選擇。作為頭盤，所以揀咗bb辣。魚皮爽口，每一塊嘅大小剛好，撈埋青瓜、芝麻、芫荽同各種香料等，口感同味道都好有層次。酸菜魚酸菜魚有大細選擇，如果會叫多幾個小菜，細份其實都夠3至4個人食。酸菜魚無骨啖啖肉，湯底微辣但酸味較重，非常開胃。鍋底仲有四川紹粉，紹粉吸收晒湯底嘅精華，非常惹味！乾鍋肥腸、乾鍋田雞食川菜又點少得乾鍋呢！乾鍋嘅辣度好有層次，辣度持久，辣得夠過癮！田雞嘅肉質非常嫩滑，而田雞脾嘅肉質非常彈牙，加上香料嘅調味，完全食唔到田雞嘅草泥味；至於肥腸清新乾淨，肥膏唔多，食嘅時候完全唔會有罪疚感，加上索晒乾鍋嘅醬汁，真係停唔到口。