Coti the Bistro (五芳街)

Open Now

Now Closed

撞啱今日去新蒲崗做野，見彩虹道有間凍肉舖就諗住入去八下，點知係連接住一間新開嘅cafe，Cafe有小清新嘅感覺，原木色加米白色嘅佈置，天花仲有小稻草，清幽嘅環境令人忍唔住要坐低休息一下，好好享受一個午餐。首先我地有慢煮雞胸肉沙律，沙律菜好新鮮，食落口聲音清脆，而且好少餐廳會配以櫻桃蘿蔔😋，雞胸每件都好厚，但完全唔「鞋」仲好夠味道👍🏻👍🏻主菜我地叫左伊比利亞豬肩肉伴野菜沙律、蕃茄蔬菜汁、鼠尾草炸薯條同原條鰻魚滑蛋飯，雖然豬肩肉醬汁唔多，但好夠味，不過豬肩肉略微overcook嫩返啲會更好，豬味亦好夠，蔬菜汁有少少似西梅汁嘅味道，配以沙律都唔錯，另外，鰻魚飯上嘅滑蛋蛋味濃且滑，配合啖啖鰻魚飯簡直一流👍🏻至於甜品亦非常美味，本來我唔太鍾意食千層蛋糕，怕太creamy，估唔到呢個crepe cake又唔會呢種感覺，cream嘅甜度剛剛好，加埋朱古力醬一齊食令味道更好，不過如果旁邊舊cream改做雪糕就perfect! 飲品我地揀左棉花糖朱古力同蜂巢咖啡，朱古力味好濃好濃👍🏻👍🏻，雖然有棉花糖喺面都唔會過甜，至於蜂巢咖啡，個人就鍾意咖啡味重返啲，少啲奶會更啱口味。