Video
Read full review
2021-11-14
1257 views
聽人介紹新蒲崗開咗間cafe，見佢影出黎既相都幾打卡able，呢日就約朋友黎試下。地址雖然寫五芳街，但其實個門口係喺彩虹道，加上門面因為係工廈餐廳相對隱蔽，都搵咗一段時間先搵到。門口細細但入到去原來幾深又幾闊落，星期六中午時段幾乎滿座，好彩啱啱有人買單，我地企咗陣店員就安排我地坐咗張餐廳中間既圓枱，以二人枱黎講都算鬆動，擺得晒啲食物。Brunch menu包餐湯同蒜蓉包，餐湯係羅宋湯但味道偏甜易入口，蒜蓉包薄薄一片唔會搞到你食唔落主菜，脆度亦算合格。我地叫咗個deluxe all day breakfast 同埋個bbq ribs share，deluxe version有雞扒亦有煙三文魚，味道都唔錯；豬肋骨啲肉好腍，醬汁濃味但可接受。野飲方面朋友叫既latte拉花幾靚，我叫既flat white原來唔會拉花，所以都無謂影喇，味道偏苦既，鮮奶既比例比起正常coffeeshop飲到既低，建議黎飲咖啡既話揀返latte啦最後亦有試到佢既甜品，tiramisu窩夫好搞笑真係tiramisu上面插件窩夫，窩夫幾脆，tiramisu口感似裝飾用嗰隻cream；反而伯爵茶戚風幾有驚喜，上面嘅奶蓋有
地址雖然寫五芳街，但其實個門口係喺彩虹道，加上門面因為係工廈餐廳相對隱蔽，都搵咗一段時間先搵到。
門口細細但入到去原來幾深又幾闊落，星期六中午時段幾乎滿座，好彩啱啱有人買單，我地企咗陣店員就安排我地坐咗張餐廳中間既圓枱，以二人枱黎講都算鬆動，擺得晒啲食物。
Brunch menu包餐湯同蒜蓉包，餐湯係羅宋湯但味道偏甜易入口，蒜蓉包薄薄一片唔會搞到你食唔落主菜，脆度亦算合格。
我地叫咗個deluxe all day breakfast 同埋個bbq ribs share，deluxe version有雞扒亦有煙三文魚，味道都唔錯；豬肋骨啲肉好腍，醬汁濃味但可接受。
野飲方面朋友叫既latte拉花幾靚，我叫既flat white原來唔會拉花，所以都無謂影喇，味道偏苦既，鮮奶既比例比起正常coffeeshop飲到既低，建議黎飲咖啡既話揀返latte啦
最後亦有試到佢既甜品，tiramisu窩夫好搞笑真係tiramisu上面插件窩夫，窩夫幾脆，tiramisu口感似裝飾用嗰隻cream；反而伯爵茶戚風幾有驚喜，上面嘅奶蓋有玫瑰花香，好天然唔係藥水味，蛋糕鬆軟亦加唔少分。
Post
