魔膳廚房 (Closed)

星期三放工去左觀塘搵食，行過開源道見到有間好隱蔽既工廈竟然有間西餐廳。見到menu 好似OK咪上去試吓。門口位用左假植物裝飾，好特別。餐廳空間都幾大，坐得好舒服。每位加$38 就可以任食沙律吧，菜都幾新鮮既。湯可以揀返紅或白湯。另外會有餐包，幾軟熟。燒豬肋骨，份量好大，燒汁落得好均勻，肉都比較多，好易同骨分開。配菜既焗薯條有鹹香，點千島醬都好夾。燒菠蘿就比較酸。黑松露帶子意大利飯，意大利飯質感岩岩好，唔會太硬或太淋，撈埋蟹籽都幾好食，帶子雖然唔多，不過就算燒完都幾肥美，炸金菇就伴碟幾得意，食落都唔油膩。飲品方面，caffe cappucino 比較甜蘋果汁