Video
Read full review
2021-10-07
2928 views
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗返工食 lunch，通常都會係好趕又坐得好迫… 竟然俾我響觀塘工廈入面搵到一個綠洲，空間好寬闊，檯同檯之間一D 都唔擠逼，坐得好舒服！所有嘅午餐都會包自助沙律吧 + 餐湯，如果只係食沙律吧就$78。沙律吧所有蔬菜都好新鮮！有比較貴價嘅羽衣甘藍、紅菜頭，亦都有兩款餐包同牛角包！🍴炭燒紐西蘭西冷牛扒（$178）西冷牛扒好大塊，炭燒嘅紋好靚呀😍 下面有蔬菜薯蓉。我叫咗五成熟，牛扒鬆軟得嚟有少少咬口，有肉汁，肉味濃，夾雜住牛扒面嗰層炭燒味，真係好香！明火炭爐燒嘅果然唔同！質素唔錯！🍴墨西哥芝士藜麥植物肉牛油果餡餅（$108）朋友係食素嘅，原本lunch set 除咗 salad bar 外，都有一款素食選擇，而餐廳逢星期一仲提供多3款素食選擇，呢個方面係好貼心！見到餡餅大大份，爆多餡！朋友share 咗D 俾我試，個餅皮好香脆，入面仲好cheesy！🍴薯條（+$18）嘩～ 原來咁大碗！兩個人share 一份就啱啱好！係我鍾意嘅粗薯條，外脆內軟熱辣辣！🍴蘋果撻（+$48）呢個係我誠意推介嘅… 開頭以為個撻係厚身，入面個餡係一粒粒蘋果嗰種！嚟到時見
回頭指數 ⭐️⭐️⭐️⭐️
開心指數🤗🤗🤗🤗
返工食 lunch，通常都會係好趕又坐得好迫… 竟然俾我響觀塘工廈入面搵到一個綠洲，空間好寬闊，檯同檯之間一D 都唔擠逼，坐得好舒服！
所有嘅午餐都會包自助沙律吧 + 餐湯，如果只係食沙律吧就$78。
沙律吧所有蔬菜都好新鮮！有比較貴價嘅羽衣甘藍、紅菜頭，亦都有兩款餐包同牛角包！
🍴炭燒紐西蘭西冷牛扒（$178）
西冷牛扒好大塊，炭燒嘅紋好靚呀😍 下面有蔬菜薯蓉。我叫咗五成熟，牛扒鬆軟得嚟有少少咬口，有肉汁，肉味濃，夾雜住牛扒面嗰層炭燒味，真係好香！明火炭爐燒嘅果然唔同！質素唔錯！
炭燒紐西蘭西冷牛扒
$178
27 views
0 likes
0 comments
🍴墨西哥芝士藜麥植物肉牛油果餡餅（$108）
朋友係食素嘅，原本lunch set 除咗 salad bar 外，都有一款素食選擇，而餐廳逢星期一仲提供多3款素食選擇，呢個方面係好貼心！見到餡餅大大份，爆多餡！朋友share 咗D 俾我試，個餅皮好香脆，入面仲好cheesy！
墨西哥芝士藜麥植物肉牛油果餡餅
$108
97 views
0 likes
0 comments
🍴薯條（+$18）
嘩～ 原來咁大碗！兩個人share 一份就啱啱好！係我鍾意嘅粗薯條，外脆內軟熱辣辣！
🍴蘋果撻（+$48）
呢個係我誠意推介嘅… 開頭以為個撻係厚身，入面個餡係一粒粒蘋果嗰種！嚟到時見到賣相好靚，原來係薄身酥皮底，上面鋪滿一片片薄薄嘅蘋果，個酥皮好香脆，切落去係有清脆聲音，加上淡淡肉桂味同雲呢拿雪糕球，真心好味！
蘋果撻
$48
21 views
0 likes
0 comments
🍴意大利芝士餅（+$48）
好豐盈又滑嘅芝士，咖啡味海棉蛋糕好香濃，唔會太甜膩！
意大利芝士餅
$48
23 views
0 likes
0 comments
🍴奶茶
呢個係港式奶茶，叫咗多奶，估唔到竟然做到大排檔嘅香滑奶茶咁，茶味又濃又滑，有驚喜wor！
熱奶茶
12 views
0 likes
0 comments
原來呢度仲有桌球檯、飛鏢同遊戲機玩㗎🤩 餐廳裝修睇得出放咗好多心思，有少少懷舊 feel！真係一個 lunch time 鬆一鬆嘅好地方！
今次個lunch 食得有D 晏，大部分食客都趕返工，2點後已經差唔多走晒，職員2點半左右貼心咁提一提salad bar 就收，睇下有冇沙律想再攞！員工服務態度好讚！
呢個lunch 食得好開心又滿足！下次會想嚟試晚餐呢～
Post
