小城大廚

Open Now

Now Closed

聽聞觀塘有一間隱世嘅私房菜，就去食吓😛一上枱會有四款小食俾你揀兩款，我哋揀咗涼拌青瓜同雲耳，酸酸辣辣，好開胃。餐廳嘅其中一個招牌菜係冰鎮咕嚕肉，一上菜嘅時候場面都幾震撼。咕嚕肉酸酸甜甜，亦都夠脆，份量都好足夠。椒鹽豆腐外脆內軟，配上微辣嘅椒鹽，食完一舊接一舊。餐廳有兩款燉湯，一款係人蔘烏雞湯，另一款係猴頭菇燉螺頭湯，兩款都好清潤，料都好足夠。今日特價嘅乳鴿，肉唔係好多，但係調味唔錯。總括嚟講，一間十分抵食嘅中菜。