Video
Read full review
2021-08-22
543 views
好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗因為要去蘋果整機，有頗長時間嘅等待，唔想再行APM，就去咗行工廠大廈！其實我冇咩嘢要買要搵，係有少少想食嘢，不過剛好1點幾，度度都好多人又唔知食咩好！求其搭lift 去其中一層向下行，都有少少漫無目的咁…路過呢一間店，見到門口寫有喇沙湯麵，跟住睇緊時，有個妹妹仔話新店開張，依家只係$48碗，又幾吸引wor！見入面有檯就走入去試下！🍴馬來喇沙湯麵（$48）見到好足料！有兩隻蝦、兩粒白魚旦、兩粒豆卜、三條獅子狗，再有兩小舊青檸，少少芫茜… 試下個湯底先，好濃厚嘅湯底，味道濃郁，好香又好惹味wor！麵係用咗比較粗圓嘅湯麵，煮得啱啱好夠彈牙！蝦都幾大隻，肉質爽口，幾新鮮，蝦頭仲有少少蝦膏；魚旦係細細粒，都幾彈牙！以$48 嚟講真係俾足料又抵食！😋飲品有汽水、本地支裝飲品、日本果汁咁，自己去雪櫃揀，依家有9折！呢度其實都有貨架賣醬料、飲品同酒，亦都有雪櫃賣凍肉，可以買走或者即買即煮！呢度好家庭式經營，似爸爸煮麵，老婆收銀，阿女定係親戚做樓面，聽到佢哋嘅對話內容都係好似一家人咁，唔似老闆同員工… 佢哋會好細心俾隻碟仔我放蝦殼，我都見到隔離檯俾嘅碗仔
回頭指數 ⭐️⭐️⭐️⭐️
開心指數🤗🤗🤗🤗
因為要去蘋果整機，有頗長時間嘅等待，唔想再行APM，就去咗行工廠大廈！其實我冇咩嘢要買要搵，係有少少想食嘢，不過剛好1點幾，度度都好多人又唔知食咩好！求其搭lift 去其中一層向下行，都有少少漫無目的咁…
路過呢一間店，見到門口寫有喇沙湯麵，跟住睇緊時，有個妹妹仔話新店開張，依家只係$48碗，又幾吸引wor！見入面有檯就走入去試下！
🍴馬來喇沙湯麵（$48）
見到好足料！有兩隻蝦、兩粒白魚旦、兩粒豆卜、三條獅子狗，再有兩小舊青檸，少少芫茜… 試下個湯底先，好濃厚嘅湯底，味道濃郁，好香又好惹味wor！麵係用咗比較粗圓嘅湯麵，煮得啱啱好夠彈牙！蝦都幾大隻，肉質爽口，幾新鮮，蝦頭仲有少少蝦膏；魚旦係細細粒，都幾彈牙！以$48 嚟講真係俾足料又抵食！😋
馬來喇沙湯麵
$48
34 views
0 likes
0 comments
飲品有汽水、本地支裝飲品、日本果汁咁，自己去雪櫃揀，依家有9折！
呢度其實都有貨架賣醬料、飲品同酒，亦都有雪櫃賣凍肉，可以買走或者即買即煮！
呢度好家庭式經營，似爸爸煮麵，老婆收銀，阿女定係親戚做樓面，聽到佢哋嘅對話內容都係好似一家人咁，唔似老闆同員工… 佢哋會好細心俾隻碟仔我放蝦殼，我都見到隔離檯俾嘅碗仔好家庭式，係日本精品類嘅大口仔、Pekkle 鴨仔嘅碗，都真係未見過😆
雖然冇咩特色裝修，但有一種家庭式嘅溫暖感！呢個價錢有咁樣嘅食物質素，性價比超高！
Post
