Video
Read full review
2023-03-01
246 views
Grandma ～薑媽～如果唔係朋友介紹，都唔知牛頭角工廈內有一間咁高質嘅日系家常料理店「薑媽」！薑媽以日式定食、便當及手作漢堡作為主打，我就揀咗佢嘅一汁三菜套餐，有主菜、配菜、味噌湯、漬物及飲品。工作完一個早上，見到咁豐富嘅午餐真係令人特別開心！豚肉生薑燒定食($118)主菜有4款選擇，朋友話餐牌主食會定期更改，確保新鮮感！心大心細揀完一輪，見隔離枱嘅豚肉生薑燒賣相唔錯，一於跟風，哈哈！豚肉生薑燒份量慷慨，豚肉片疊得高高的，洋蔥及豚肉都好入味又送飯！用上日本國產米都好有誠意！豚肉片下亦墊有番茄仔及沙律菜，感覺家常健康！配菜更加有8款選擇，例如：椒麻涼拌帶子裙邊、核桃小女子、中華口水雞等，款款都好吸引！揀咗海老里芋煮物，味道都好唔錯！午餐送日本綠茶、熱Americano或熱伯爵茶，不過加配一杯特色咖啡都只係十幾蚊，值得一試！飲品選擇好多，咖啡除咗有常見嘅Cappuccino、Flat White之外，仲有黑糖肉桂咖啡、海鹽焦糖咖啡、焦糖燉蛋咖啡等特色咖啡！另外仲有果味手調茶、無咖啡因飲品以及茶Latte系列，選擇好多樣化！我試咗比較少見嘅玄米茶拿鐵(+$19），甜度我覺得稍高，不過都飲
如果唔係朋友介紹，都唔知牛頭角工廈內有一間咁高質嘅日系家常料理店「薑媽」！
薑媽以日式定食、便當及手作漢堡作為主打，我就揀咗佢嘅一汁三菜套餐，有主菜、配菜、味噌湯、漬物及飲品。工作完一個早上，見到咁豐富嘅午餐真係令人特別開心！
豚肉生薑燒定食($118)
主菜有4款選擇，朋友話餐牌主食會定期更改，確保新鮮感！心大心細揀完一輪，見隔離枱嘅豚肉生薑燒賣相唔錯，一於跟風，哈哈！豚肉生薑燒份量慷慨，豚肉片疊得高高的，洋蔥及豚肉都好入味又送飯！用上日本國產米都好有誠意！豚肉片下亦墊有番茄仔及沙律菜，感覺家常健康！配菜更加有8款選擇，例如：椒麻涼拌帶子裙邊、核桃小女子、中華口水雞等，款款都好吸引！揀咗海老里芋煮物，味道都好唔錯！
午餐送日本綠茶、熱Americano或熱伯爵茶，不過加配一杯特色咖啡都只係十幾蚊，值得一試！飲品選擇好多，咖啡除咗有常見嘅Cappuccino、Flat White之外，仲有黑糖肉桂咖啡、海鹽焦糖咖啡、焦糖燉蛋咖啡等特色咖啡！另外仲有果味手調茶、無咖啡因飲品以及茶Latte系列，選擇好多樣化！我試咗比較少見嘅玄米茶拿鐵(+$19），甜度我覺得稍高，不過都飲到玄米茶獨有嘅米香。
小店午市都幾旺場，好彩當日等咗5min左右就能入座！雖然店員好忙碌，但態度都好友善！食物質素真心唔錯，咁近公司之後都應該會再來！
Post
