Video
Read full review
2023-12-16
43 views
觀塘駱駝漆出名多嘢食，最近仲多咗好多Cafe！呢間新開張嘅咖啡專門店有多款咖啡特調，採用，另外仲有啲豬肋骨、意粉嗰啲主食，成個套餐人均都係$100鬆啲，平時嚟食個飯嘆杯啡都唔錯！小店星期六日仲會推出$158任飲咖啡，全店嘅咖啡同手沖都可以一次過試晒，鍾意咖啡嘅人都不妨試一試，試啱味再買返佢嘅咖啡豆！------------------------------🐖◖半邊春雞配烤豬肋骨◗ $148呢份嘢真係好抵食，有半邊嘅春雞同埋兩大條豬肋骨，配上大大盤嘅脆炸薯條，份量超多！佢嘅燒春雞搽咗蜜糖，外皮甜甜地，裏面嘅肉質都幾嫩滑；豬肋骨做得出色，用燒烤醬醃得夠入味，仲有啲筋膜嘅咬口，好食！🥗◖煙三文魚牛油果沙律◗ $88佢呢個沙律都大大份，配上黑醋汁，特別開胃！有三大片煙三文魚花，成個沙律清清地，幾fresh！🍗 ◖香烤雞翼◗ $58佢隻雞翼有六大隻，佢比較似醬烤雞翼，邊位有少少脆口，但裏面就唔太入味呢～🍵◖焙茶拿鐵◗ +$13主食包咗$35嘅飲品，加少少錢就可以試到佢哋嘅Latte，都幾抵！會飲得出焙茶嘅粉末，超香濃，奶底都好順滑，一啲都唔澀口！☕️◖伯爵茶鴛鴦◗ $45伯爵茶嘅香味同咖啡混合，
------------------------------
🐖◖半邊春雞配烤豬肋骨◗ $148
呢份嘢真係好抵食，有半邊嘅春雞同埋兩大條豬肋骨，配上大大盤嘅脆炸薯條，份量超多！佢嘅燒春雞搽咗蜜糖，外皮甜甜地，裏面嘅肉質都幾嫩滑；豬肋骨做得出色，用燒烤醬醃得夠入味，仲有啲筋膜嘅咬口，好食！
🥗◖煙三文魚牛油果沙律◗ $88
佢呢個沙律都大大份，配上黑醋汁，特別開胃！有三大片煙三文魚花，成個沙律清清地，幾fresh！
🍗 ◖香烤雞翼◗ $58
佢隻雞翼有六大隻，佢比較似醬烤雞翼，邊位有少少脆口，但裏面就唔太入味呢～
🍵◖焙茶拿鐵◗ +$13
主食包咗$35嘅飲品，加少少錢就可以試到佢哋嘅Latte，都幾抵！會飲得出焙茶嘅粉末，超香濃，奶底都好順滑，一啲都唔澀口！
☕️◖伯爵茶鴛鴦◗ $45
伯爵茶嘅香味同咖啡混合，碰撞出一個新嘅火花，整體味道會偏苦，但勝在香氣有層次，而且口感順滑！
🌟Encore指數：8.9/10
Post
