鳥棲日本料理 (Closed)

工廈日式料理平時都會嚟觀塘呢頭行工廈，買下衫同埋食下野。今日同男朋友去咗駱駝漆大廈食呢間日式料理。餐廳門面都幾靚，好搶眼，有一幅牆都係花草牆，充滿清新氣息，心情都開朗啲。我哋叫咗三個嘢食，喜燒牛肉鍋，北海道陶板腸同埋網燒安格斯牛扒。喜燒牛肉鍋呢個牛肉鍋都幾大，有牛肉，金菇，其他雜菇，豆腐，雞蛋同埋粉絲。都幾好食，個湯底唔會太鹹，如果有碗飯一齊食就更加好啦。北海道陶板腸個腸外型都幾得意，似打咗成餅嘅腸仔，又似蚊香XD！平時都係食開德國腸，呢個北海道圖版腸好似雞尾腸咁，咬落脆卜卜，內肉實有汁。網燒安格斯牛扒鍾意食牛扒嘅我一定要點，個牛質素幾好，加埋係網燒，所以好香。加埋秘製醬，燒牛扒入味，連原麻芝麻食更香。依家好多餐廳都發展去工廈，食嘢更多選擇。