秋意 (成業工業大廈)

Open Now

Now Closed

工廈多隱世美食就出曬名架啦～今日嚟到觀塘嘅工廈搵到一間裝修別出心裁，有一股秋天氣息嘅餐廳，吸引咗我入去試一試。秋天有一種離別嘅感覺，份外有格調，店中都有好多掛畫同中國風嘅設計，令店舖喺云云工廈食肆中突圍而出。除咗裝修有心思之外，食物一樣高質！小編叫咗一份口水雞便當，個口水汁做得非常香口，絕對唔係單靠辣味取勝，而係好有層次地有一種麻嘅感覺，用嚟食雞送飯真係一流！雞肉本身都相當嫩滑，火候恰到好處，唔會煮得太耐導致韌或者老，而且能夠鎖住雞嘅鮮味同埋肉汁，食到欲罷不能！便當仲有一份菜蔬同茄子，照顧到食客嘅營養需要同埋健康，十分細心。便當份量都唔錯，小編作為一名大食男性都覺得夠飽。如果大家想試吓支持小店嘅便當，不妨到訪觀塘嘅秋意一試～