Add Some Thai Restaurant

Open Now

Now Closed

前幾日我細妹黎探我班，於是就帶左佢去食好西，黎左附近一家泰國餐廳。呢度用左一條小河做裝飾，最初以為有魚😂😂😂我地叫左兩個午市套餐，餐湯係輕盈泰式冬陰功湯，每碗都有一隻蝦，味道唔算好辣。我叫左個泰式滷水豬手飯配滷蛋及迷你肉碎生菜包($78)。豬手嘅量特別多，每一舊都好好肉地，嫩滑肥美，好正😆細妹叫左個菠蘿海鮮炒飯($88)，裏面都好多料，有青口、蝦同魷魚，上面仲舖左肉鬆，加埋清甜嘅菠蘿粒，好惹味😋另外，我地仲外加左個手抓餅($5)，一碟有四塊。飲品方面，我地叫左清涼椰青($28)，夏天飲就最啱喇😉食完正餐當然要食番個芒果糯米飯($58)，份量都好多，好滿足，不過芒果就有少少酸，但都好食的。因為係下午茶時段，全單有7折，所以真係好抵食。