魔膳廚房 (Closed)

今晚黎到觀塘搵食，間餐廳位於工廈2樓，需要上一層樓梯。不過樓梯兩邊都掛左唔少畫，令到上樓梯既時候都有野睇下，幾有心思。餐牌都幾特別，強力磁石吸住疊紙，揭既時候都唔會走位。價錢唔係特別貴，一般西餐廳價錢。部份set dinner有包括任食沙律吧。開始上菜，個湯一個係雜菜湯，一個甘荀忌廉湯。兩個湯都好夠味，另外麵包就非常好味，熱辣辣又好軟熟~香煎帶子黑松露雜菌意大利飯，好creamy，好香奶味，帶子都幾大隻，而且放蟹子係意大利飯比較少有，但係就做成豐富既口感。三式芝士醬燒豬肋骨配薯角，好大舊，而且一黎到就聞到好香既芝士味，肉質好淋，唔係乾淨淨，同埋啲肉已經索哂醃料啲味。