登堂 (Closed)

今次專登預約咗係觀塘The Wave入面既登堂食晚餐，呢到主打晚餐加半自助餐，唔洗去酒店，都享受到自助餐體驗。沿住電梯上去，下面果層明明仲係快餐店，一上到二樓，感覺煥然一新。登堂裝修好有格調，色調以深色為主，配上木地板同柔和燈光，非常舒適。座位分隔得好遠，私隱度足夠之餘，亦唔會太逼太窄。半自助餐既種類好多，除咗多款特色沙律外，估唔到仲有海鮮吧，當晚就有赤貝，青口，蝦同埋翡翠螺。客人拎哂之後餐廳又會拎另一款海鮮出黎，選擇都好多架。冷盤仲有啲cold cut同埋煙三文魚等等。餐廳都準備咗幾款小食比客人，我我地等緊主菜都唔怕餓親架。小食包埋中式點心，芝士粟米，雞翼等等，質素都好唔錯。主菜黎啦，我地今次叫咗一個紐西蘭羊鞍開心果保雲蘇同埋鮮海蝦煙豬腩貓耳粉。羊鞍人地點咗五成熟，完全冇overcook到，羊肉粉嫩多汁，外層包裹住開心果碎，增添咗一份口感，配埋個薄荷汁，一啲都唔輸蝕比啲酒店既質素。而pasta方面，煙豬腩味道好出，非常咸香，配上巴馬臣芝士忌廉汁，好creamy好好食。不得不讚既係佢地既擺盤，真係好有心機！最後我地嘆埋杯餐飲同埋半自助餐既甜品，好滿足呀。