春禧小館 (Closed)

📍春禧小館 (牛頭角)牛頭角偉業街93號地舖夜晚喺九龍灣行過嚟，經過呢間舖頭， 見到佢入邊有好大幅花花牆，心郁郁試一試。估唔到夜晚佢都幾多人，都有唔少人外賣或者係買杯嘢飲。呢度都係用QR code落單，仲可以睇到食物嘅相。🍜$75 - $38麵食自由選 $5濃蕃茄湯台灣麵 $16手工花枝丸 $16濃湯餃子好濃郁嘅蕃茄湯，仲有啲蕃茄可以食到，唔係普通嘅好水湯。配料揀咗花枝丸同埋餃子。餃子入邊都好足料，我一個女仔一啖都食唔晒一粒，要分兩啖🥘$58滷水雞翼滷肉飯又係超級大碗，啲滷水肉滷到好軟腍，有肥肉有瘦肉，我本身唔係太食呢啲肥豬肉都覺得入口即溶。🍢$32椒鹽花枝丸 5粒 + $32香炸甜不辣忍唔住口嗌咗兩樣小食，椒鹽花枝丸炸到好趣，墨魚丸都係好大粒，好爽口，入邊仲有好鮮明嘅墨魚粒。另外個甜不辣都係好大塊，唔會太乾，配埋個醬都好好食。🌹$42 玫瑰泡泡浴第一眼見到呢個，覺得一定要嗌，打卡超正。上邊仲有個奶蓋，好多玫瑰花飯，入口係好香甜嘅玫瑰奶味。🍵$14 冷泡茶 一白桃烏龍冇諗過$14都咁正，出面可能要$30，用成個茶包浸住，好濃郁嘅白桃味，茶味都唔會澀。我覺得男士們可以過嚟食飯，一定好夠飽