怕羞草 (Closed)

星期六夜晚去左荔枝角搵野食，見到依間餐廳新開，加上星期六都有7成滿座，所以決定一試。叫左兩個set dinner前菜有沙律，湯，沙律都新鮮，正正常常。飲品叫左凍檸茶同蜜桃梳打，梳打既味道不重，只飲到好多氣，凍檸茶相對較為好飲。risotto 飯粒粒粒分明，都煮得幾黏，個risotto 幾受歡迎，有幾枱人都食緊，帶子入面可以再熟啲，兩邊都脆。羊架大概六成熟，配mint jelly真係好好味。薯蓉可加多少少調味，羊架肉軟稔，可以一試。總結黎講，係附近返工既平時都可以試下，西餐黎講幾出色。