Ulyssa by Aldou (Closed)

地舖租貴，多食肆都向上發展，工廠大廈裏面俾我發現好味道嘅西餐。好，坐低睇吓有咩好食先。香煎刺身帶子羅勒醬意粉，新鮮帶子仲有香草味濃郁嘅羅勒醬，醬汁份量啱啱好掛上意粉，唔會太油膩，唔錯！燒大野菌黑松露意大利飯，波特菇肥厚多汁，表面菇衣烤到好似脆皮咁，咬落去會卜一下，好好味。燒原條鮮魚配泰式辣汁，燒完條魚一啲都唔乾，魚肉鮮甜而且冇乜骨，泰式辣汁甜甜辣辣幾得意。軟綿綿椰子雲朵蛋糕，外型好cute好得意，唔止望落去軟綿綿，食落口又軟綿綿，裏面仲有芒果粒添。