Video
Read full review
2020-06-05
438 views
早前睇網上飲食節目講威靈頓牛柳，睇到個樣好似幾好食，於是馬上喺openrice search，見到網站上介紹Mini Friday，而且正評幾多，於是即刻book位。上到去餐廳都幾大，坐底之後第一件事馬上同個侍應落order要威靈頓牛柳，其他再睇睇menu先。最後叫咗香草牛油焗田螺酥盒、溫泉蛋芝士忌廉大啡菇闊條麵、威靈頓牛柳同梳乎厘班戟。跟住首先上枱嘅係餐湯同啲餐前小食。今日個餐湯係紅菜頭忌廉湯，初頭見到成碗湯紅色以為會好酸(可能係紅色俾我嘅感覺會似羅宋湯)，但飲落口完全唔同，忌廉味好重，而且仲有啲蔬菜味，同埋個湯都幾濃，唔似其他餐廳啲湯稀到好似水咁。跟住到個沙律，上面有啲爆珠，同埋有車厘茄，個感覺幾清新。然後到個粟米脆片伴芝士醬，啲芝士醬又係好重味，啱晒我呢啲鍾意食濃味嘅人。講咗咁耐輪到講主菜，先係個香草牛油焗田螺酥盒，啲酥皮好香牛油味，配上田螺嘅味道，食落口有啲煙韌嘅感覺，配埋牛油酥幾好食。然後到個溫泉蛋芝士忌廉大啡菇闊條麵，本身啲大啡菇已經好香，配埋芝士簡直一流，再加上溫泉蛋同個忌廉汁，同埋啲闊條麵麵身都沾滿個汁(應該無過冷河，因為如果意粉之類過冷河，會令到個麵身變得比較滑，反而
上到去餐廳都幾大，坐底之後第一件事馬上同個侍應落order要威靈頓牛柳，其他再睇睇menu先。最後叫咗香草牛油焗田螺酥盒、溫泉蛋芝士忌廉大啡菇闊條麵、威靈頓牛柳同梳乎厘班戟。
跟住首先上枱嘅係餐湯同啲餐前小食。今日個餐湯係紅菜頭忌廉湯，初頭見到成碗湯紅色以為會好酸(可能係紅色俾我嘅感覺會似羅宋湯)，但飲落口完全唔同，忌廉味好重，而且仲有啲蔬菜味，同埋個湯都幾濃，唔似其他餐廳啲湯稀到好似水咁。跟住到個沙律，上面有啲爆珠，同埋有車厘茄，個感覺幾清新。然後到個粟米脆片伴芝士醬，啲芝士醬又係好重味，啱晒我呢啲鍾意食濃味嘅人。
講咗咁耐輪到講主菜，先係個香草牛油焗田螺酥盒，啲酥皮好香牛油味，配上田螺嘅味道，食落口有啲煙韌嘅感覺，配埋牛油酥幾好食。
然後到個溫泉蛋芝士忌廉大啡菇闊條麵，本身啲大啡菇已經好香，配埋芝士簡直一流，再加上溫泉蛋同個忌廉汁，同埋啲闊條麵麵身都沾滿個汁(應該無過冷河，因為如果意粉之類過冷河，會令到個麵身變得比較滑，反而無咁黏啲汁)，令到成個闊條麵好creamy ，好好食。
之後到今晚最期待嘅威靈頓牛柳出場，一大件牛柳周邊都包滿酥皮，切落去嘅時候啲酥皮又無即刻碎晒，個酥皮整得幾好，件牛柳咁大件諗住咬落去會韌，但食落又唔會，同埋都幾有肉味，每一口食落去都有酥皮同牛柳，感覺幾正。
最後到甜品出場，食完件牛柳之後到甜品梳乎厘班戟上枱。本身自己都已經係好鍾意食甜品，啲班戟全部都熱，喺上面淋上忌廉汁，食落去好香口同軟熟，再配個雪糕，喺個口入面有齊冷熱嘅感覺，又feel到個雪糕喺口中溶緊，簡直一流。
整體今晚食嘅所有嘢都唔錯，值得下次再嚟試其他菜式。
紅菜頭忌廉湯
23 views
0 likes
0 comments
沙律
21 views
0 likes
0 comments
粟米脆片配芝士醬
15 views
0 likes
0 comments
香草牛油焗田螺酥盒
19 views
0 likes
0 comments
溫泉蛋芝士忌廉大啡菇闊條麵
26 views
0 likes
0 comments
威靈頓牛柳
29 views
0 likes
0 comments
梳乎厘班戟
27 views
0 likes
0 comments
Post
