食味館

Open Now

Now Closed

喺荃灣灰窰角街嘅食味館，喺工業大廈地下，裝修簡約舒適。呢度係附近打工仔嘅飯堂，中午特別多人。早餐、茶餐、中式飯、煲仔類樣樣齊。🥒 苦瓜豬骨湯 一坐低就有侍應送上例湯，今次例湯係苦瓜豬骨湯，清熱帶甘，最啱呢個酷熱天氣飲。🦑 黃金鮮魷 新鮮魷魚蘸上薄薄炸漿，炸得外脆內彈，香口唔油膩，有鹹香嘅蛋黃味 #好食！🦀 避風塘炒蟹 招牌避風塘炒蟹，炸蒜粒香脆，配埋豆豉、蔥段同辣椒粒一齊炒，味道豐富，賣相吸引。🐥 霸王雞 即係葱油雞，係客家名菜之一，加上熟油灒過嘅薑蔥，令雞肉好香薑蔥味。🐟 豉汁蒸大鱔食落爽滑彈牙，鱔肉鮮甜，加上豉汁提味，正！🥬 蒜蓉炒油麥菜炒得有鑊氣，油麥菜清甜爽脆，蒜蓉味濃，上碟熱辣辣。