Burger's Friend Forever (MONTEREY Place) (Closed)

澳南海岸有間走工業風嘅美式漢堡包店🇺🇸🍔，以簡約水泥牆身、不鏽鋼鐵罐、桌椅、儲物櫃、可樂膠箱等做背景擺設。餐廳提供14款漢堡包，牛、雞、豬、蝦、魚全部都有。另有意粉、小吃、沙律、生酮系列食物等，選擇夠多元化。至尊漢堡 $118 🐮🍔漢堡扒採用100%全天然美國安格斯牛肉及澳洲和牛製成，肉味香濃。巨型漢堡包有兩層厚身漢堡扒，煎到七成熟，中間微微粉紅，肉質柔軟爆汁。😆 一邊食一邊啲肉汁就多到流晒出嚟。漢堡包裡面還有煙肉、雙層、煎蛋、紫洋蔥、生菜、蕃茄，非常厚料，一啖都咬唔晒！有皮薯條 🍟＋$25 加配有皮薯條/薯格/田園沙律 及 罐裝汽水🥤薯條即叫即炸熱辣辣，香脆得黎又唔油膩，一份都夠2人份量。侯斯頓漢堡 🍔 $90如果唔想食咁巨型嘅至尊漢堡，可試吓侯斯頓漢堡。侯斯頓漢堡基本上比至尊漢堡少了一層漢堡扒和半溶芝士，多了BBQ醬汁。雖然醬汁令漢堡包更惹味，但唔會蓋過漢堡扒既牛肉香。🏠 Burger's Friend Forever (MONTEREY Place) 📍 將軍澳澳南海岸唐俊街23號MONTEREY Place 地下G22A號舖☎️ 61131497味道：4.4/5賣相：4.2/5