i kitchen (Closed)

觀塘工業大廈有不少正餐廳，朋友介紹話這間i kitchen都不錯，就決定嚟試吓，結果冇失望。📌蘑菇湯蘑菇打碎仍然食到粒粒，好有口感，湯的蘑菇味好濃，配上麪包條，整個湯好飲又好食📌輕煎北海道刺身帶子，紅甜椒意大利飯帶子有三大粒，微微煎過，保留帶子本身鮮味，意大利飯本身軟腍，加上秘製醬汁，令味道提升，仲有唔太起眼嘅紅甜椒，口感更豐富📌厚切美國黑安格斯肉眼落單時話5成熟，切開睇落少咗啲血水，可能比較熟，但扒本身仍然嫩滑多汁，功夫合格，另外值得一讚嘅係擺盤，三隻色其實係三種醬汁，沾上肉扒味道豐富📌自家製焦糖蘋果批伴雲呢嗱雪糕嗰批皮好脆，餡料蘋果好甜，伴上雲呢嗱雪糕一凍一熱，係必食之選📌自家製朱古力心太軟伴雲呢嗱雪糕另一甜品係心太軟，做法跟之前蘋果批一樣，只係將蘋果批換咗做心太軟，朱古力同雲呢嗱雪糕係絕配📌熱朱古力一款普通嘅熱朱古力，心思就放在靚靚嘅拉花，仲有棉花糖碎，賣相味道都有驚喜📌香橙白香果茶凍飲就叫咗這款香橙白香果茶，味道主要嚟自白香果，清甜好味，加上幾片香橙，味道更清香，必飲