雲來軒 (Closed)

今日陪朋友去咗K11 shopping，買完之後去食飯，點知朋友話想食中菜，問我附近有乜好介紹，知道朋友喜歡食燒味，所以就帶佢嚟呢間叉燒幾出名嘅『雲來軒』試下。到達時已經七點，大廳差不多坐滿客人，侍應安排我哋入廂房，環境光猛整潔，唔侷促，感覺都幾寧靜舒適，仲方便傾偈㖭。 菜式頗多，鮑參翅肚、海鮮不在話下，燒味、家禽小菜、粉麵、甜品都有，還有四人以上的特價套餐供應。朋友喜歡吃肉，所以就點了兩個肉類小菜加一個我喜歡吃的豆腐來試。 【金磚豆腐】  （$78）一客十件嘅豆腐炸得金黃香脆，外層炸漿薄，內裏豆腐非常滑溜，外脆內嫩，灑上炸蒜粒、椒鹽和黑芝麻，充滿蒜香和口感，很惹味。  【拖地蜜汁黑豚肉】  （$128）厚切嘅蜜汁黑豚肉色澤鮮明，叉燒瘦中帶點肥，入口焦脆，肉質鬆軟多汁，蜜味中帶點焦香，味道香甜可口，非常出色，朋友吃到唔停口。 【醒胃話梅雞】 （半隻 $188）話梅雞以石鍋盛着，熱騰騰，香噴噴，原來半隻雞嘅份量都好多，雞肉嫩滑唔嚡口，吃到話梅酸酸甜甜嘅味道，炆煮得很入味，撈勻雞件底下的話梅醬來拌飯吃，更加『醒胃』。  普洱茶性溫和，茶味醇厚回甘，飯後喝，可消滯解膩，我覺得這裏的普洱茶味道